Բիզնես-էթիկետի սկզբունքների իմացությունը կօգնի հեշտությամբ հաղթահարել բազմաթիվ խնդիրներ, որոնք ծագում են գործարար շփման պրոցեսում: Բիզնեսի աշխարհում գործարար շփումը խաղ է հատուկ կանոններով: Գոյություն ունեն անսասան սկզբունքներ, որոնցով պարտավոր է ղեկավարվել իրեն և ուրիշներին հարգող յուրաքանչյուր ձեռներեց: Բիզնեսով զբաղվող մարդու վարքը պետք է համապատասխանի բանականության, հասարակության մեջ ընդունված երաշխավորություններին և խուսափի արգելքներից, էթիկայի ու բարոյականության նորմերի խախտումից։ Այս հարցում կարևոր է ոչ միայն առանձին անձի վարքը, այլև ողջ կազմակերպության մշակույթը, որը ձևավորում է այն միջավայրը, որտեղ տեղի են ունենում գործարար հարաբերությունները: Իմ կարծիքով, բիզնեսի վարման էթիկետն ու մշակույթն ունեն հստակ կարգախոս՝ «Կյանքը գիտություն է, փող ստեղծելու գիտություն»:
Կարևորը՝ հիշեք հաջողության 10 կանոնները:
Դրանք են՝ 1. Հեշտ է հաղթել, եթե գիտես քո առավելությունները և կարողանում ես դրանցից օգտվել:
2. Ֆինանսական դժվարությունների պատճառները կապիտալի չափերի և առևտրային գործունեության թափի անհամապատասխանությունն է:
3. Ընկերության աշխատանքի հուսալիության և արդյունավետության երաշխիքը որակյալ աշխատակազմն է:
4. Գործարար անձի հայտնիությունը և հեղինակությունը նպաստում են ընկերության հաջող աշխատանքին:
5. Ձեր ժամանակի մասին այնպես հոգ տարեք, ինչպես ձեր փողերի:
6. Սովորեք և ձեր բիզնեսում օգտագործեք առավել կատարելագործված մեթոդներ:
7. Բիզնեսում բարձր արդյունքների հասնելու համար անհրաժեշտ է ջանքերը կենտրոնացնել գործունեության մեկ տեսակի վրա:
8. Պարտականությունների բաշխումը, աշխատողների նախաձեռնության խթանումը ապահովում են գործի հաջողությունը:
9. Զուտ եկամուտը ձեռնարկության եկամտի միակ աղբյուրն է և ընկերության աշխատողների գործարար ակտիվության գլխավոր գնահատականը:
10. Բիզնեսը գործընթաց է: Ահա թե ինչու՝ միշտ առաջ: Բիզնեսը ճամփորդություն է ամբողջ կյանքի համար, և հաջողությունը նրանն է, ով դա գիտի:
Փորձի արդյունքն ակնհայտորեն ապացուցում է, որ փող պետք է ստեղծել խելքով: Շուկայական տնտեսությանն անցնելիս կարևոր է հետևել երեք պատվիրանների՝
1. Պետք է հույսը դնել բացառապես սեփական ուժերի վրա. միայն այդ ժամանակ ապահովված կլինի հաջողությունը:
2. Գործարարը, ձեռներեցը կարող է նաև հայտնվել անբարենպաստ պայմաններում, ունենալ անհաջողություններ. հատկապես այդ ժամանակ է պետք հավատալ սեփական ուժերին և հաջողությանը:
3. Փողն առաջին տեղում չպետք է լինի: Յուրաքանչյուր ղեկավար պետք է ուսումնասիրի և իմանա իր ենթակաների հոգեբանությունն ու բնավորությունը՝ աշխատատեղերում նրանց ուժերը ճիշտ օգտագործելու համար: Այս սկզբունքները թույլ են տալիս ստեղծել հզոր կազմակերպություններ, որոնք չեն միայն ձգտում տնտեսական շահույթի, այլև կառուցում են վստահելի, բարոյական և սոցիալապես պատասխանատու հարաբերություններ, որոնք երկարաժամկետ հաջողության հիմնական գրավականն են: Ապագայում, երբ բիզնեսի աշխարհը շարունակաբար փոխվում է, էթիկետը և մշակույթը կդառնան առավել նշանակալի: Մենք պետք է հիշենք, որ բարեխղճությունն ու վայելչությունը, որոնք առաջ են տանում մարդկանց միմյանց, պետք է լինեն մեր աշխատանքային կյանքի հիմքում: Այսպիսով, բիզնեսը կդառնա ոչ միայն ֆինանսական, այլև մարդկային արժեքների գերազանց միջոց:
Ավետիս Աղաբեկյան
