Արսեն Ջուլֆալակյանը Եվրոպայից վերադառնալով չեմպիոնական տիտղոսով ՝ Քաղաքացու օրը նշել է սաների հետ (լուսանկարներ)

Այսօր Հայաստանի Հանրապետությունում նշվում է  Քաղաքացու օրը: Քաղաքացու օրը խորհրդանշական է նաև նրանով, որ քաղաքացին ինքն է որոշում՝ տոնը  որտեղ, ինչպես և ինչ կերպ նշել, իհարկե, դրա հիմքում դնելով քաղաքացիական կողմնորոշվածությունը։

Անվանի մարզիկ, Աժ պատգամավոր Արսեն Ջուլֆալակյանը վերադառնալով Եվրոպայից չեմպիոնական տիտղոսով,   որոշեց օրը սկսել սիրելի և հարազատ մարզադպրոցում սաների, իր ընկերների և մտերիմների հետ։

Միջոցառման յուրատիպությունը կայանում էր նրանում,  որ հավաքվածները մասնակցում էին միջոցառմանը քաղաքացու օրվա խորհրդանշական ոճով, այսինքն իրենց քաղաքացիական կողմնորոշվածությամբ։

Անհերքելի է որ Արսեն Ջուլֆալակյանն այսօր սիմվոլ է հայ ժողովրդի , այսօրեական հաղթանակների ընդհանուր բովանդակության մեջ, նա  և իր ընկերները հայկական պետականության ամրությունը արտերկրում կերտողներ և ամրացնողներ են համարվում, որի պարագայում հայ ժողովրդի ազգային հարգանքը նրա նկատմամբ  գնալով խորանում է։

Համեստության զինանոցով զինված չեմպիոնը  իրեն ներհատուկ անմիջականությամբ  մասնակիցների օրը լցրեց Քաղաքացու օրվա տոնին համարժեք նաև քաղաքացու համար անհրաժեշտ հոգեբանական ատրիբուտներով։

Միջոցառման ընթացքում Քանաքեռ-Զեյթուն վարչական շրջանի մանկապատանեկան մարզադպրոցի տնօրեն Տիգրան Մարգարյանը պատվոգրեր և  շնորհակալագրեր հանձնեց  Ջուլֆալակյան չեմպիոնակերտ ընտանիքի անդամաներին՝ Լևոն Արամ և Արսեն Ջուլֆալակյաններին, հյուրերից՝ Ռոման Ամոյանին և բարերար Գուրգեն Վիրաբյանին։