Հայաստանի լրագրողների ֆուտբոլի հավաքականն ավարտել է ելույթները Եգիպտոսի Հուրգադա քաղաքում ընթացող ավանդական միջազգային մրցաշարում:
Մրցումային վերջին օրը հայ լրագրողները վճռորոշ խաղում պարտվել են պրոֆեսիոնալ ֆուտբոլիստներով համալրված Եգիպտոսի թիմին՝ նվաճելով արծաթե մեդալներ:
Հայաստանի լրագրողների թիմն ունի միջազգային մրցաշարերի մասնակցության մեծ փորձ։ Երեք անգամ թիմը բրոնզե մեդալակիր է դարձել Լիտվայում միջազգային մրցաշարում, իսկ 2018-ին Երեւանում կայացած մրցաշարում գրավել է երկրորդ տեղը։
Եգիպտոսի միջազգային մրցաշարին Հայաստանի լրագրողների ֆուտբոլի հավաքականի մասնակցությանն աջակցել են «ԱՆՌԻՎԱ-ՏՈՒՐ» ընկերությունը (Air Cairo ավիաընկերության միակ պաշտոնական ներկայացուցիչը Հայաստանում) եւ «TotoGaming» բուքմեյքերական ընկերությունը։
