Ֆրանսիայում նախօրեին կյանքից հեռացել է լեգենդար դիզայներ, ֆրանսիական Givenchy նորաձեւության տան հիմնադիր Յուբեր դե Ժիվանշին: Ֆրանսիական մոդելավորողը 91 տարեկան էր։ Նա մահացել է քնի մեջ։
Ժիվանշին ծնվել է1927 թվականին, սովորել է Փարիզի գեղարվեստի դպրոցում, ապա հիմնադրել է սեփական Givenchy նորաձեւության տունը, որն առ այսօր կրում է նրա անունը։ Ժիվանշին նորաձեւության տունը հիմնադրել է 1952 թվականին։ Նրա ոճը մարմնավորում է ստացել բրիտանացի դերասանուհի Օդրի Հեփբերնի, ինչպես նաեւ ԱՄՆ նախկին առաջին տիկին Ժաքլին Քենեդիի հագուստներում։
Ժիվանշիի հուղարկավորությունը տեղի կունենա նեղ միջավայրում։ Մտերիմները նշում են, որ «ծաղիկների եւ պսակների փոխարեն Ժիվանշին կգերադասեր նվիրատվությունը UNICEF-ին»։
