Մադրիդի «Ռեալի» գլխավոր մարզիչ Զինեդին Զիդանը խոսել է Իսպանիայի առաջնության 10-րդ տուրի` «Ժիրոնայի» հետ կայանալիք հանդիպման մասին:
Սպասվում էր, որ հանդիպումը կհետաձգվի Կատալոնիայի անկախության հայտարարության պատճառով:
«Մենք ոչ մի լուր չենք ստացել Լա լիգայի ղեկավարությունից, այդ իսկ պատճառով կարծում ենք, որ ամեն ինչ լավ կլինի: Այսօր մենք կուղևորվենք Կատալոնիա:
Ինձ այժմ անհանգստացնում է միայն վաղվա հանդիպումը: Գիտեմ, որ շշուկները շատ են, սակայն ես չեմ ցանկանում ներգրավված լինել այդ թեմաների մեջ»,- ֆրանսիացի մասնագետի խոսքն է մեջբերում «Marca»-ն:
