Ռոջեր Ֆեդերերն ամենաթանկարժեք բրենդային մարզիկն է

«Forbes» ամսագիրը հրապարակել է մարզական բրենդերի ամենամյա վարկանիշային աղյուսակը: Ըստ 2017 թվականի արդյունքների` մարզիկների շրջանում ամենաթանկարժեք անունը թենիսիստ Ռոջեր Ֆեդերերինն է:

Շվեյցարացի թենիսիստի անվան արժեքը գնահատել են 37,2 մլն դոլար:

Վարկանիշային աղյուսակի երկրորդ հորիզոնականում «Քլիվլենդի» բասկետբոլիստ Լեբրոն Ջեյմսն է (33, 4 մլն), իսկ լավագույն եռյակը եզրափակում է կարիերան ավարտած արագավազորդ Ուսեյն Բոլտը (27 մլն):

Լավագույն տասնյակն ունի հետևյալ տեսքը.

1. Ռոջեր Ֆեդերեր (Շվեյցարիա, թենիս) - 37,2 մլն դոլար

2. Լեբրոն Ջեյմս (ԱՄՆ, բասկետբոլ) - 33,4

3. Ուսեյն Բոլտ (Ճամայկա, թեթև աթլետիկա) - 27

4. Կրիշտիանու Ռոնալդու (Պորտուգալիա, ֆուտբոլ) - 21,5

5. Ֆիլ Միկելսոն (ԱՄՆ, գոլֆ) - 19,6

6. Թայգեր Վուդս (ԱՄՆ, գոլֆ) - 16,6

7. Վիրաթ Կոհլի (Հունաստան, կրիկետ) - 14,5

8. Րորի Մակիլրոյ (Մեծ Բրիտանիա, գոլֆ) - 13,6

9. Լիոնել Մեսսի (Արգենտինա, ֆուտբոլ) - 13,5

10. Սթիֆ Կարի (ԱՄՆ, բասկետբոլ) - 13,4