«Ադրբեջանն ամեն ինչ անում է, որպեսզի անհետ կործաների խնդիրները դուրս մղի միջազգային հանրության աչքից։ Սա նրանց համակարգված քաղաքականությունն է, ամեն ինչ արել են, որ խնդիրները մեկուսացնեն»,- Բռնի անհետացումների զոհերի միջազգային օրվա կապակցությամբ անհետ կորածների հարազատների կողմից կազմակերպված միջոցառմանն ասաց ՀՀ Մարդու իրավունքների նախկին պաշտպան Արման Թաթոյանը։
Նա նշեց, որ Ադրբեջանն իրենց երկրի ներսում փակում են բոլոր միջազգային կառույցները, որոնք այս հարցերի հետ առնչություն ունեն, օրինակ ՄԱԿ-ի զարգացման գործակալությունը, Կարմիր Խաչի միջազգայն կոմիտեն։
«Սա անում են, որպեսզի միջազգային մեխանիզմները դուրս դրվեն այս պրոցեսից»,- ընդգծեց Թաթոյանը։
Նա նշեց, որ մտահոգիչ է գանագետները միջազգային այտաններից հետ կանչելը, անթույլատրելի է առկա պայմաններում՝ մեջբերելով Հայաստանի և Ադրբեջանի միջև խաղաղության և միջպետական հարաբերությունների հաստատման մասին» նախաստորագրված համաձայնագրի 9-րդ հոդվածը, որը վերաբերում է հենց գանգատները հետ կանչելուն։
«Եթե մենք միջազգային մեխանիզմները թույլ ենք տալիս մեզանից մեկուսացնել, նշանակում է՝ մենք իրավունքների պաշտպանությունը ստորադասում ենք քաղաքականությանը։ Այսինքն, իրավունքների պաշտպանության մեխանիզմերը նրա համար են, որ քաղաքականությունը մուտք չունեն, ազդեցությունը նվազի։
Մենք իրավունքն ունենք, որ այդ մեխանիզմները մեզ համար լինեն հասանելի, կարևրո է հետագայի համար»,- ընդգծեց Թաթոյանը։
«Այս կարևոր գործընթացի շրջանակում պետք է ամեն ինչ արվի, որպեսզի հետագա բանակցություններում Ադրբեջանը չկարողանա մեր իրավունքները նվաստացնող հայտարարություն անի»,- ասաց Թաթոյանը։
Համաձայնագրի 9-րդ կետում նշվում է.
Չհակասելով հոդված XIV-ին՝ սույն Համաձայնագիրն ուժի մեջ մտնելուց հետո մեկ ամսվա ընթացքում Կողմերը հետ կկանչեն, կչեղարկեն կամ այլ կերպ կլուծեն որևէ իրավական հարթակում ներկայացված ցանկացած և բոլոր միջպետական հայցերը, գանգատները, բողոքները, առարկությունները, վարույթները և վեճերը, որոնք վերաբերում են մինչև սույն Համաձայնագրի ստորագրումը Կողմերի միջև գոյություն ունեցած խնդիրներին, և չեն նախաձեռնի այդպիսի հայցեր, գանգատներ, բողոքներ, առարկություններ, վարույթներ և որևէ կերպ չեն ներգրավվի որևէ երրորդ կողմի կողմից մյուս Կողմի դեմ ներկայացվող գանգատներում, բողոքներում, առարկություններում, վարույթներում։
Կողմերը դիվանագիտական, տեղեկատվական և այլ ոլորտներում որևէ կերպ չեն իրականացնի, խրախուսի կամ ներգրավվի միմյանց նկատմամբ սույն Համաձայնագրին հակասող թշնամական գործողություններում և կանոնավոր խորհրդակցություններ կանցկացնեն այդ նպատակով:
