Տեղյակ չեմ, թե Արմեն Աբազյանի պաշտոնանկությունն ինչով է պայմանավորված, սակայն, միգուցե, պայմանավորված է նրանով, որ ինքն էլ իր կյանքում ունի որոշակի կարմիր գծեր, որոնք արդեն իսկ հատվել են, լրագրողների հետ զրույցում հայտարարեց «Պատիվ ունեմ» խմբակցության պատգամավոր Տիգրան Աբրահամյանը:
Նրա համոզմամբ՝ այս ամենը մեկ թեմայի հետևանք չէ, այլ կուտակված խնդիրների հետևանք է, որն արտացոլվել է երեկվա իրադարձություններում. «Սա պարզապես իմ ենթադրությունն է և սրա մասին ողջ եղելությունը կարող ենք իմանալ այն ժամանակ, երբ դրա հետ կապված Արմեն Աբազյանը պարզաբանում տա»:
