Թբիլիսիում ուժեղ հրդեհ է

Թբիլիսիի մետրոյի «Վոկզալնայա պլոշչադ» կայարանի մոտակայքում գտնվող շուկայում խոշոր հրդեհ է բռնկվել, դեպքի վայր է մոբիլիզացվել մոտ մեկ տասնյակ հրշեջ բրիգադ։ Այդ մասին դեպքի վայրից հայտնում է Sputnik Գրուզիայի թղթակիցը։

Ականատեսների վկայությամբ՝ հրդեհը բռնկվել է ժամը 06-ի սահմաններում երկրորդ հարկում գտնվող կոշիկի խանութում։ Վաճառողները հապճեպ ազատում են շուկայում այն ​​տարածքը, որտեղ հրդեհ է։

Թե որն է հրդեհի բռնկման պատճառը, դեռևս հայտնի չէ։ Զոհերի մասին տեղեկություններ չկան։