Մարտի 30-ի լույս 31-ի գիշերը ադրբեջանական ԶՈՒ-ի կողմից Սյունիքի Խնածախ գյուղի ուղղությամբ կրակոցներ արձակելու դեպքով քննություն է իրականացվում։ Այս մասին 24News-ին տեղեկացրեց ՀՀ ՔԿ մամուլի քարտուղար Կիմա Ավդալյանը։
«Դեպքի առթիվ նախաձեռնվել է քրեական վարույթ Քրեական օրենսգրքի 44-155-րդ հոդվածների 2-րդ մասի 7-րդ եւ 15-րդ կետերով, 335-րդ հոդվածի 1-ին մասով: Նշանակվել են դատաձգաբանական և դատաապրանքագիտական փորձաքննություններ»,-մեկնաբանեց Ավդալյանը:
Հիշեցնենք, որ մարտի 31-ին՝ կեսգիշերին, ադրբեջանական ԶՈՒ-ն կրակոցներ էր արձակել Սյունիքի մարզի Խնածախ գյուղի ուղղությամբ, ինչի հետևանքով վնասվել էր քաղաքացու տունը։
