Արտակարգ դեպք՝ Լոռու մարզում. Մեծ Պարնի գյուղում հրդեհ է բռնկվել «ՎԱԶ 2121» մակնիշի ավտոմեքենայում

Այսօր՝ ապրիլի 5-ին, արտակարգ դեպք է տեղի ունեցել Լոռու մարզում: Ժամը 19:45-ի սահմաններում ՀՀ ներքին գործերի նախարարության փրկարար ծառայության «9-11» ճգնաժամային կառավարման ազգային կենտրոն ահազանգ է ստացվել, որ Սպիտակ խոշորացված համայնքի Մեծ Պարնի բնակավայրում ավտոմեքենա է այրվում: 
  
Ինչպես հայտնում է ֆոտոլրագրող Գագիկ Շամշյանը, դեպքի վայր են ժամանել Սպիտակի հրշեջ-փրկարարական ջոկատից 1 մարտական հաշվարկ:
 
Մինչ հրշեջների ժամանումը՝ «ՎԱԶ 2121» մանիշի ավտոմեքենայում առաջացած կրակի տարածման դեմ փորձել են պայքարել քաղաքացիները, ապա ժամանած հրշեջները մարել են այն, սակայն ավտոմեքենան դարձել է ոչ շահագործելի:

Դեպքի վայր են ժամանել ՀՀ ՆԳՆ ոստիկանության պարեկային ծառայության Լոռու մարզի գումարտակի պարեկները՝ գումարտակի հրամանատար Կարեն Կուրեղյանի, գումարտակի ծառայության ավագ տեսուչ Արման Սուքիասյանի գլխավորությամբ: 

Դեպքի փաստով ոստիկանության համայնքային ոստիկանության գլխավոր վարչության Սպիտակի բաժնում փաստ են ձևակերպվում, որտեղ էլ պարզվում է ավտոմեքենայի սեփականատիրոջ ինքնությունը և դեպքի հանգամանքները: 
 
Ըստ նախնական տեղեկությունների՝ բարեբախտաբար տուժածներ չկան