Պռոշյանի և Քասախի բնակիչները, ովքեր վաղ առավոտից փակել էին Երևան-Աշտարակ ճանապարհը, երկար բանակցություններից հետո համաձայնեցին բացել այն։
Քաղաքացիները, հիշեցնենք, բողոքում են տրանսպորտի 25 և 59 համարների գծերի կրճատման և նոր՝ ավելի թանկ երթուղու դեմ։ Նոր երթուղին սպասարկելու է «Մուլտիտրանսպորտ» ընկերությունը՝ 250 և 200 դրամ արժեքով։
Բողոքի ակցիայի մասնակցիներին խոստացան՝ մինչև հարցի լուծումը կգործի թիվ 25 համարի երթուղին:
«Եթե երկուշաբթի մեր հարցին դրական լուծում չտվեցին, մեր պահանջը չիրկանացրեցին, 25 համարը չպահպանվեց, պալատկեքը խփելու ենք Նիկոլի տան առաջ, ավելի փիս ակցիաներ ենք անելու»,- հայտարարեց քաղաքացիներից մեկը:
Նշենք, որ ապրիլի 7-ին պռոշյանցիները կհանդիպեն ՏԿԵ փոխնախարար Արմեն Սիմոնյանին:
