Մեր տարածաշրջանը չի դիմանա մեկ այլ լարվածության, «3+3» ձևաչափը կարող է օգտագործվել Երևանի և Բաքվի միջև խաղաղության համաձայնագրի ստորագրման համար. Իրանի դեսպան

Մեր տարածաշրջանը չի դիմանա մեկ այլ լարվածության. լրագրողների հետ զրույցում հայտարարել է Հայաստանում Իրանի արտակարգ և լիազոր դեսպան Մեհդի Սոբհանին։

Նա հույս է հայտնել, որ Հայաստանն ու Ադրբեջանը զսպվածություն կցուցաբերեն և կկարողանան անցնել խաղաղության համաձայնագրի ստորագրմանը։ «Հուսով ենք՝ բոլոր կողմերը հավատարիմ կմնան խաղաղությանն ու հանգստությանը միտված սկզբունքներին։ Մենք կապի մեջ ենք և՛ Հայաստանի, և՛ Ադրբեջանի հետ։ Մեր շփումների ընթացքում խրախուսում ենք կողմերին գնալ խաղաղության համաձայնագրի ստորագրմանը»,– ընդգծել է Սոբհանին։

Նա նշել են, որ Իրանը պատրաստ է աջակցել Հայաստանի և Ադրբեջանի առաջարկած ցանկացած ձևաչափի՝ խաղաղության հաստատման, հրադադարի պահպանման և խաղաղության համաձայնագրի ստորագրման համար։  

Նրա կարծիքով՝ այդ առումով «3+3»-ը լավ ձևաչափ է, որի օգնությամբ հնարավոր է հասնել Երևանի և Բաքվի միջև խաղաղության համաձայնագրի ստորագրմանը։