Ռուսաստանը անօդաչու սարքերով հարձակվել է Ուկրաինայի Դնեպր քաղաքի վրա. հարձակման հետևանքով չորս մարդ է զոհվել, ևս 19-ը վիրավորվել: Տուժածներից 3-ի վիճակը ծանր է, հայտնում է dw.com-ը:
«Մեծամասշտաբ հրդեհ է տեղի ունեցել ռեստորանային համալիրում, հրդեհվել է նաև բարձրահարկ շենք և առանձնատներ։ Փրկարարներն աշխատում են ամենուր՝ մարելով կրակը»,- ասվում է Դնեպրոպետրովսկի շրջանային ռազմական վարչակազմի ղեկավար Սերգեյ Լիսակի գրառման մեջ։
Նրա խոսքով՝ քաղաք գրոհի է ենթարկվել ավելի քան 20 անօդաչու թռչող սարքի միջոցով, որոնց մեծ մասը խփվել է։
