Նախկին պատգամավոր Արմեն Եղիազարյանը ֆեյսբուքյան իր էջում գրում է. «Արդեն բոլորս գիտենք, որ ՀՀ-ն 12.03.2025 թ-ին թողարկեց 750 000 000 դոլար արժեքով պարտատոմս, որոնք արդեն ներկայացված են միջազգային բորսայում։ Այդ պարտատոմսերի տոկոսաբերությունը 6.75% է, հասարակ լեզվով ասած՝ Հայաստանը ասում է՝ իմ պետության երաշխիքով ինձ 6.75%-ով վարկ տվեք՝ 10 տարի ժամկետով։ Այսինքն՝ այն 12 միլիարդ դոլար պարտքին ևս կավելանա այս նոր 750 մլն դոլար պարտքը։
Բա էդ թռիչքային տնտեսական աճի դեպքում ինչպե՞ս է գոյանում այսքան սրընթաց պարտքի կուտակումը, կարո՞ղ է թռիչքային աճ ունեն նաև երկրում առկա կոռուպցիան ու ատկատները։
Այս պետական պարտքը կառավարությունը չի մարելու, այս պետական պարտքը չարքաշ ժողովրդի ու նրա սերունդների վզին է մնում»։
