«Եթե երևանցիներն օգտվում են միայն 150 դրամանոց ուղևորավարձից, այսինքն, թանկացումը լինում է 50 տոկոսով, ապա սպառողական գների ընդհանուր ինդեքսի վրա ունենում է 0,1 տոկոս աճի ազդեցություն»,- ասուլիսի ժամանակ հայտարարեց ՀՀ Կենտրոնական բանկի նախագահ Մարտին Գալստյանը։
«Սպառողական զամբյուղում հանրային տրանսպորտի ծառայությունների տեսակարար կշիռը 0,4 տոկոս է, որից 0,23-ը Երևանն է։ Եթե դիտարկենք ամենածայրահեղ սցենարը, որի մարդիկ փաթեթներ չեն գնում, այլ օգտվում են միայն 150 դրամով, այսինքն, թանկացումը լինում է 50 տոկոսով, ապա սպառողական գների ընդհանուր ինդեքսի վրա ունենում է 0,1 տոկոս աճի ազդեցություն»,- նշեց նա:
Փետրվարի 1-ից Երևանում գործում է հանրային տրանսպորտի միասնական տոմսային համակարգը։ Քաղաքացիները հնարավորություն ունեն օգտվելու տարբեր փաթեթներից կամ մեկ ուղևորության համար վճարել 15 դրամ՝ նախկինում գործող 100 դրամի փոխարեն։
