Ձերբակալել են փաստաբան Արսեն Բաբայանին և նրա ընկերներին․ ՆԳՆ-ից ասում են՝ Արսեն Բաբայանը ձերբակալված չէ

Հենց նոր Քրեական ոստիկանությունը ինձ ու ընկերներիս ձերբակալեց Հրազդանի կիրճում: Այս մասին ֆեյսբուքյան իր էջում գրել է փաստաբան Արսեն Բաբայանը։

«Գնում էինք սնվելու ճանպարհներս կտրեցին հատուկ նշանակության դիմակավոր տղաները:

Մեզ տանում են Քրեական ոստիկանություն»,- գրել է նա։ 2 անձի ապօրինի զենք-զինամթերք կրելու և պահելու կասկածանքով ձերբակալել և տեղափոխել են Քրեական ոստիկանություն: Այս մասին 24News-ին հայտնեց ՆԳՆ խոսնակ Նարեկ Սարգսյանը: 

Մեր այն հարցին, թե Արսեն Բաբայանը ևս ձերբակալվել է, ՆԳՆ խոսնակը նշեց, որ ոչ: