ՀՀ կառավարությունը 9,8 մլն դրամ հատկացրեց ռազմական դրության և զորահավաքի ընթացքում ներգրավված տրանսպորտային միջոցներին հասցված նյութական վնասի փոխհատուցման համար։ «Արմենպրես»-ի հաղորդմամբ՝ նախագիծը ներառված էր ՀՀ կառավարության դեկտեմբերի 19-ի նիստի չզեկուցվող հարցերի փաթեթում։
Նախագծի համաձայն՝ 3 ֆիզիկական և իրավաբանական անձինք կստանան փոխհատուցում՝ իրենց տրանսպորտային միջոցներին հասցված վնասի դիմաց։ Տրանսպորտային միջոցներից երեքը ոչնչացվել են կամ մնացել հակառակորդի տարածքում։ Փոխհատուցման չափերը հաստատվել են միջգերատեսչական հանձնաժողովի և գնահատման կենտրոնի եզրակացությունների հիման վրա։
2024 թվականի պետական բյուջեի պահուստային ֆոնդից կտրամադրվի 9,8 մլն դրամ, որը կծառայի տուժած անձանց փոխհատուցման նպատակով։
