Չինաստանը զորավարժություններ է սկսել Թայվանի շրջակայքում և մտադիր է դրանց ընթացքում
վարժանքներ անցկացնել՝ կղզու հիմնական նավահանգիստներն ու տարածքները շրջափակելու և վերահսկողության տակ առնելու ուղղությամբ, ասել է Չինաստանի բանակի Արևելյան մարտական հրամանատարական գոտու ներկայացուցիչ Լի Սին։
«Սինհուա»-ի փոխանցմամբ՝ Ժողովրդական ազատագրական բանակը ցամաքային, ռազմածովային, օդային, հրթիռային ուժեր և այլ զորքեր է ուղարկել Թայվանի նեղուցում անցկացվող «Համատեղ սուր 2024Բ» զորավարժություններին: Վարժանքները կանցկացվեն կղզու հյուսիսային, հարավային և արևելյան հատվածներում։
Լի Սին ասել է, որ զորավարժությունների ընթացքում նավերն ու ինքնաթիռները տարբեր ուղղություններից կմոտենան Թայվանին և «համատեղ գրոհային զորավարժություններ կանցկացնեն տարասեռ հարվածային ուժերի մասնակցությամբ»։ Ռազմածովային ու ռազմաօդային ուժերը համատեղ պարեկություն կիրականացնեն և վերապատրաստում կանցնեն՝ «արգելափակելու և վերահսկելու հիմնական նավահանգիստներն ու տարածքները, հարվածելու ծովային և ցամաքային թիրախներին»:
«Զորավարժությունները խիստ նախազգուշացում են «Թայվանի անկախության» ձգտող անջատողական ուժերին և արդար և անհրաժեշտ քայլ են ազգային ինքնիշխանությունը պաշտպանելու և ազգային միասնությունը պահպանելու համար»,- ասել է Լի Սին։
Թայվանի վարչակազմը հայտարարել է, որ Չինաստանի զորավարժությունները «բացահայտ սադրանք են»:
Թայվանը 1949 թվականից կառավարվում է սեփական վարչակազմի կողմից։ Չինաստանը կղզին համարում է իր տարածքը։
Չինաստանը զորավարժություններ է սկսել Թայվանի շրջակայքում. Թայվանը դա որակել է «սադրանք»
Լրահոս
Փաշինյանը մտահոգված է՝ ոմանք նեղվում են, երբ հայերն ասում են՝ Արևմտյան Հայաստան
23
Նոյեմբեր,
2024 00:06
Ադրբեջանին առաջարկել ենք սահմանազատված հատվածներից հանել ԵՄ դիտորդներին․ Փաշինյան
22
Նոյեմբեր,
2024 23:37
ՏԵՍԱՆՅՈՒԹ․ Ոստիկանության Կումայրի բաժնում քաղաքացուն կապել են աթոռին ու ծեծել. ապացույցներ
22
Նոյեմբեր,
2024 23:15
Հովիկ Աղազարյանին խնդրել եմ, որ վայր դնի մանդատը, հույս ունեմ՝ կարձագանքի. Փաշինյան
22
Նոյեմբեր,
2024 23:03
Միանձնյա որոշում էր, գրավոր տեքստով եմ հայտնել պաշտոններից ազատվելու խնդրանքի մասին․ Փաշինյան
22
Նոյեմբեր,
2024 22:42
