Տավուշի մարզից լրագրող Ոսկան Սարգսյանը գրում է․
«Տավուշում թափուկ վառելափայտի տրամադրման առումով վատ վիճակ է
Ամեն տարի Տավուշի մարզի սահմանամերձ գյուղերի յուրաքանչյուր ընտանիքի 8 խորանարդ մետր անտառի թափուկի ինքնապատրաստման թույլտվություն էր տրվում։ Սահմանագոտու բնակիչները լրագրողիս բողոքել են,որ այժմ Տավուշի մարզի համայնքների մի մասում բնակիչներին թափուկ վառելափայտից օգտվելու թույլտվություն չի տրվել, մի մասում էլ նման հնարավորություն տրվել է միայն ընտանեկան նպաստառու ընտանիքներին։
Սա բերելու է անտառաշատ Տավուշում վառելափայտի շուկայական գնի բարձրացմանը,,որովհետև մարզի բնակիչները ձմռանն իրենց տները ջեռուցում են վառելափայտով»։
