Հունիսի 1-ին՝ մանուկների տոնին ՀԱՕԿ նախագահ Գագիկ Ծռուկյանի նախաձեռնությամբ անցկացվել է մրցաշար՝ երեխաների մասնակցությամբ։
Մրցաշարը տարիների ավանդույթ ունի, անցկացվում է «Մենք ապագա օլիմպիականներն ենք» խորագրի ներքո։
Այս տարի Երևանի 24 մանկապարտեզների մոտ 200 սան է մասնակցել սպորտային միջոցառմանը։
Փոքրիկները, սպորտային այս միջոցառմանը մասնակցելուց հետո,կիսվել են նաև իրենց երազանքներով՝ մեկն ուզում է հայտնի ֆուտբոլիստ դառնալ, ինչպես Հենրիխ Մխիթարյանն է, մյուսը՝ շախմատիստ։
Միջոցառման ավարտին նաև պարգևներ են հանձնվել դրան մասնակցած բոլոր երեխաներին։ Նրանց հյուր են եկել նաև մուլտհերոսները։
