Մուսալեռ գյուղի մոտ բախվել է 3 մեքենա, մեկը հայտնվել է հանդիպակաց գոտում


Մուսալեռ գյուղի մոտ բախվել է 3 մեքենա, մեկը հայտնվել է հանդիպակաց գոտում
Դեկտեմբեր 15 10:53 2023

Այսօր՝ դեկտեմբերի 15-ին, ավտովթար է տեղի ունեցել Արմավիրի մարզում:

Հայտնում է Shamshyan.com-ը։

Ժամը 08:50-ի սահմաններում Երևան-Արմավիր ավտոճանապարհի Մուսալեռ գյուղի վարչական տարածքում բախվել են 21-ամյա Արտաշես Իսահակյանի վարած Toyota Land Cruiser մակնիշի, 36-ամյա Միշա Մարտիրոսյանի վարած Opel Astra և 71-ամյա Ստեփան Գրիգորյանի վարած Opel Zafira մակնիշի ավտոմեքենաները:

Բախման հետևանքով Toyota Land Cruiser-ը բախվել է բաժանարար գոտու բազալտե եզրաքարին, կոտրել այն և հայտնվել հանդիպակաց երթևեկելի գոտում: 

Տեղում վարորդները ենթարկվել են սթափության փորձաքննության, եղել են սթափ։