Կիևը սատարել է Բաքվին, դատապարտել՝ Արցախում նախագահի ընտրությունները

Ուկրաինայի արտաքին գործերի նախարարությունը դատապարտում է սեպտեմբերի 9-ին Ղարաբաղում այսպես կոչված «նախագահական ընտրությունների» անցկացումը։ Այս մասին ասվում է Ուկրաինայի ԱԳՆ հայտարարության մեջ։

«Այսպես կոչված «նախագահական ընտրությունների» անցկացումը հակասում է միջազգային իրավունքի նորմերին ու սկզբունքներին։ 

Ուկրաինան ևս մեկ անգամ իր աջակցությունն է հայտնում Ադրբեջանի ինքնիշխանությանը և տարածքային ամբողջականությանը իր միջազգայնորեն ճանաչված սահմաններում և հանդես է գալիս քաղաքական և դիվանագիտական ​​ճանապարհով կարգավորման օգտին»,- ասվում է հայտարարության մեջ։