«Ո՞ւր ա Քարամյան Պավլիկը. հնարավորություն է եղել ամսի 28-ին հետնահանջ տալու, ինչի՞ չեն տվել». բողոքի ակցիա ՊՆ-ի դիմաց

«Արդեն չորրորդ անգամն է՝ ինչ ծնողներով հավաքվում ենք Պաշտպանության նախարարության առջև՝ ստանալու մեզ հուզող հարցերի պատասխանները: Մեր տղաները 2019 թվականին են զորակոչվել, ծառայության են անցել 5-րդ պաշտպանական շրջան, 11-րդ վաշտի մասին է խոսքը: 27 օր հերոսաբար պատերազմելուց հետո, հոկտեմբերի 23-ին, չգիտես՝ ում կամ ինչ հրամանով գումարատը տեղափոխել են Մարտունի 2: Ամսի 24-ին բարձրացել են բարձունք. ոչ մի պաշտպանական կառույց չի եղել, տղաները պայքարել են բաց երկնքի տակ: 7 օր անհավասար մարտերից հետո տղաներին հրթիռակոծել են: Հնարավորություն է եղել ամսի 28-ին հետնահանջ տալու, ինչի՞ չեն տվել»,- ՊՆ-ի մոտ բողոքի ակցիա էին անում պատերազմում զոհված զինծառայողների ծնողները:

«Այս ամենի պատասխանները մենք ուզում ենք ստանալ. Էս երկրում կա՞ մի բարձրաստիճան սպա, կա՞ մի պատասխանատու, կա՞ մի գլխավոր հրամանատար, որ կարող է մեր հարցերին պատասխանել...Ո՞ւր ա Քարամյան Պավլիկը, ո՞ւր ա գումարտակի հրամանատարը, որն անմիջապես պատասխանատու է իր զինվորների համար: Ինքը պատերազմի ժամանակ գտնվում էր դեպի հարավ, ավելի ապահով տեղ ու ռացիայով հրամաններ էր տալիս: Այսօր նա հերոսի կոչում ունի, իսկ ովքե՞ր են մեր որդինները»,- ասում էր զինվորներից մեկի հայրը:

Մանրամասները՝ տեսանյութում: