«Իշխանությունը փորձելու է ինձ կրկին վերադարձնել անազատության, սա է նրանց նպատակը»,- այսօր դատական նիստից առաջ, լրագրողների հետ զրույցում, ասել է հասարակական-քաղաքական գործիչ Ավետիք Չալաբյանը:
«Այն, որ սա քաղաքական հետապնդում է, այն, որ սա տարածվում է ընտանիքիս մյուս անդամների նկատմամբ, որևէ կասկած չկա։ Դուք գիտեք, որ երեկ եղբայրս հայտարարեց, որ ինքը հեռանում է Կենտրոնական բանկից։ Նա չի հեռանում Կենտրոնական բանկից․ 18 տարի աշխատելուց հետո, լինելով էդ բանկի առավել հեղինակավոր, պատկառելի և փորձառու ղեկավարներից մեկը, նա ստիպված է եղել հեռանալ, քանի որ Նիկոլ Փաշինյանի դրդմամբ դա նրանից պահանջել են և պահանջել են բացարձակ ապօրինի»,-ասել է Չալաբյանը:
