Ամերիկացի նավթային մագնատ, պատմության մեջ առաջին դոլարային միլիարդատերերից մեկը և «Գեթի» թանգարանի և մի ամբողջ «կայսրության» հիմնադիր Փոլ Գեթիի ծոռնուհի Այվի Գեթին ամուսնացել է լուսանկարիչ Տոբիաս Ալեքսանդր Էնգելի հետ:
Ինչպես ներկայացնում է CNN-ը, միլիարդատիրոջ ժառանգրդուհի, նկարիչ և մոդել Այվիի պսակադրությունը տեղի է ունեցել Սան Ֆրանցիսկոյի քաղաքապետարանի շենքում: Աստղային արարողությունը վարել է ԱՄՆ Ներկայացուցիչների պալատի խոսնակ Նենսի Փելոսին:
Միջոցառմանը ներկա են եղել դերասանուհի Անյա Թեյլոր Ջոյը, երգչուհի Օլիվիա Ռոդրիգոն և Կալիֆոռնիայի նահանգապետ Գևին Նյուսոմը:
Այվին ամուսնացել է Ջոն Գալյանոյի հարսանյաց զգեստով, որն ամբողջովին պատված էր հայելու բեկորներով:
«Սա պարզապես այն ամենն է, ինչի մասին երազում էի և նույնիսկ ավելին»,- ասել է հարսնացուն: Աղբյուրի փոխանցմամբ՝ նրա ընտրած ոճը հարսանեկան արարողության համար նվիրված է եղել իր տատին, որը մեծացրել է իրեն և մահացել է 2020 թվականին: Գեթիի տատիկի զարդերը լրացրել են նրա տեսքը հարսանյաց հանդեսի ժամանակ:.jpg?1636622794374)
