Ուֆայում ընթացող ազատ ոճի ըմբշամարտի աշխարհի պատանեկան առաջնությունում շարունակում է իր փայլուն ելույթները գյումրեցի հսկա, 125 կգ քաշային Լյովա Գևորգյանը: Կիսաեզրափակիչ գոտեմարտում Լյովան ժամանակից շուտ 10-0 հաշվով հաղթել է ադրբեջանցի Այդին Ախմադովին և դուրս է եկել եզրափակիչ, որտեղ կմրցի իրանցի Լի Մոհամադէբրահիմ Ակբարպուրհորդոունիի հետ։
Նշենք, որ առայժմ Լյովան միավորներ չի տվել մրցակիցներին: 1/8 եզրափակչում հայ ըմբիշը դարձյալ ժամանակից շուտ՝ 10-0 հաշվով հաղթել էր հունգարացի Սաբա Ուբորնյակին, իսկ 1/4 եզրափակչում 4-0 հաշվով առավելության էր հասել հնդիկ Կումար Անիրուդի նկատմամբ:
Եզրափակիչ գոտեմարտը տեղի կունենա այսօր երեկոյան:
