Արցախում զոհված Բաղդասար Ղարիբյանն այսօր կդառնար 24 տարեկան։ Բաղդասարը, նախքան մարտի դաշտ մեկնելը, սեփական մեքենայով արցախցիներին տեղափոխում էր Հայաստան, այնուհետև կամավորագրվել և մեկնել էր առաջնագիծ
Զոհվել է հոկտեմբերի 11-ին՝ Ֆիզուլիում։ Հարազատները 10 օր բոլոր դիահերձարաններում փնտրել են նրան և դաջվածքների միջոցով գտել են։
Բաղդասարի մայրը՝ Մերի Հարությունյանը, 168.am-ի հետ զրույցում ասաց, որ այդ օրերին Հայաստանում չի եղել, բայց տարօրինակ զգացողություն է ունեցել.
«Թիկունքիս վրա այնպիսի ծակոց զգացի… ես այդ պահերը լրիվ իր հետ ապրել եմ, զգացել եմ իր մահանալը… Այդ պահին ոնց որ իմ թիկունքին կրակեին…»։
Բաղդասար Արմենի Ղարիբյանը հուղարկավորվել է Արմավիրի մարզի Ջանֆիդա գյուղում։
Մանրամասները՝ 168.am-ի տեսանյութում
