Կորոնավիրուսով վարակման հաստատված դեպքերի թիվն աշխարհում մոտ է 80 միլիոնին, ինչը կրկնակի ավել է երկու ամիս առաջ գրանցված տվյալից: Սակայն վարակի տարածման տեմպն այս շաբաթ զգալիորեն ընկել է, վկայում են ՏԱՍՍ-ի հաշվարկները:
Այդպես, յոթ օրվա ընթացքում մոլորակի վրա 4.4 միլիոն մարդ է վարակվել` մեկ շաբաթ առաջ 5.36 միլիոնի դիմաց: Աճը 6 տոկոս է կազմել: Ավելի քիչ են նաեւ մահվան դեպքերը` շուրջ 79 հազար` նախորդ յոթ օրվա ընթացքում 81.7 հազար առավելագույնի համեմատ: Նոր վարակից մահացության մակարդակը մնացել է նվազագույն մակարդակում` 2.2 տոկոս:
Այսպես կոչված ակտիվ դեպքերի թիվը, այսինքն` հենց հիմա բուժվող հիվանդների, աճել է 1.1 միլիոնով (մեկ շաբաթ առաջվա համեմատ 0.9 միլիոնով), սակայն հենց այս պահին հիվանդների բաժինը փոքր-ինչ նվազել է` 27.7 տոկոսից 27.5 տոկոս: Այս տվյալներն ամբողջական չեն, քանի որ շատ երկրներ չեն հրապարակում համապատասխան վիճակագրությունը: Ընդ որում, արդեն վերականգնվածների թիվը եւս կրճատվել է` 57 տոկոսից հասնելով 56 տոկոսի:
Վարակման նոր դեպքերի մեծ մասը բաժին է ընկնում Հյուսիսային եւ Հարավային Ամերիկային: Եվրոպան երկրորդ տեղում է, սակայն դրա որոշ երկրներում այս շաբաթ դեպքերի թիվն աճել է: Բացի այդ, իրավիճակը վատթարացել է է Մեծ Բրիտանիայում կորոնավիրուսի նոր մուտացիայի հայտնաբերումից հետո:
Ավելի քան մեկ միլիոն վարակակիր ունեցող երկրների թիվը հասել է 17-ի` դրանց ավելացել է Ուկրաինան եւ Պերուն: Այս նահանգներից ութում ավելի քան 2 միլիոն մարդ է վարակվել:
