Մեծ Բրիտանիայում երկրորդ օրն անընդմեջ կորոնավիրուսով վարակման մեկօրյա ցուցանիշը տատանվում է 3500-ի սահմանում:
Ինչպես փոխանցում է ТАСС գործակալությունը՝ հղում անելով կառավարական տեղեկատվական կայքում հրապարակված տվյալներին, վերջին մեկ օրում կորոնավիրուսով վարակվել է 3497 մարդ: Նախօրեին այդ ցուցանիշը կազմել էր 3539: Մեկ շաբաթ է, ինչ վարակման մեկօրյա ցուցանիշը չի իջնում 2 հազարից:
Բրիտանացիների շրջանում մահվան ելքով դեպքերը վերջին մեկ օրում ավելացել են 9-ով՝ ընդհանուր մահացության ցուցանիշը հասցնելով 41 623-ի, որով Միացյալ Թագավորությունը 5-րդն է ողջ աշխարհում:
Ընդհանուր առմամբ, երկրում արձանագրվել է վարակման 365 174 դեպք:
Օրեր առաջ երկրի վարչապետ Բորիս Ջոնսոնը հայտարարել էր, որ սեպտեմբերի 14-ից երկրի բնակիչներին կարգելվի հավաքվել 6-ից ավելի խմբերով:
