2020 թ-ի մայիսին հանրապետությունում անշարժ գույքի նկատմամբ իրականացվել է 11 507 իրավունքի պետական գրանցման գործարք։ Ամենից շատ՝ 40․6 % գործարքները գրանցվել է բնակարանների, իսկ առավել ցածրը՝ 2․9 %` արտադրական նշանակության շինությունների նկատմամբ։ Այս մասին Tert.am-ը տեղեկանում է Կադաստրի կոմիտեի՝ «ՀՀ անշարժ գույքի շուկան 2020 թ-ի մայիսին» ամենաթարմ վերլուծությունից։
Անշարժ գույքի շուկայի վերլուծությունը կատարվել է՝ հիմք ընդունելով 2020 թ-ի մայիս ամսվա ընթացքում անշարժ գույքի նկատմամբ իրավունքների պետական գրանցումների վերաբերյալ տվյալները և անշարժ գույքի առաջարկի շուկայից հավաքագրված տեղեկությունները։
Գործարքների առավել բարձր տոկոսաչափը գրանցվել է Երևան քաղաքում՝ 32․4 %, իսկ առավել ցածրը՝ Վայոց Ձորի մարզում՝ 2․7 %:
2020 թ-ի մայիսին հանրապետությունում գրանցված գործարքների քանակը 2020 թ-ի ապրիլի համեմատ աճել է 4 անգամ։ Այսինքն, ապրիլին սահմանված խիստ սահմանափակումներից հետո մայիսին անշարժ գույքի շուկայում որոշակի աշխուժություն է նկատվել, սակայն եթե համեմատում ենք նախորդ տարվա նույն ժամանակահատվածի հետ, պատկերը հակառակն է․ 2019 թ-ի մայիսի համեմատ գործարքները նվազել են 27․9 %-ով։
Նյութն ամբողջւթյամբ՝ սկզբնաղբյուր կայքում։
