Մոսկվա թռչող ռուսական S7 Airlines ավիաընկերության ինքնաթիռը կտրուկ փոխել է ընթացքն ու վայրէջք կատարել այլ վայրում։ Այս մասին գրում է Aviaincident Telegram-ալիքը։
Արտակարգ իրավիճակը տեղի է ունեցել երեքշաբթի՝ փետրվարի 4-ին, Ուֆայից մեկնող Airbus A320-ի հետ։ Թռիչքի ընթացքում անձնակազմը զեկուցել է ինքնաթիռում գտնվող հիվանդ ուղևորի մասին և որոշում կայացրել վերադառնալ մեկնման օդանավակայան:
Արդյունքում օդանավը բարեհաջող վայրէջք է կատարել Բաշկիրիայի մայրաքաղաքի օդանավակայանում։ Հիվանդի ներկա վիճակի մասին չի հաղորդվում։
