Մեր խնդիրն է մինչև ընտրություններ ունենալ նոր Սահմանադրության տեքստ, մամուլի ասուլիսի ժամանակ ասաց ՀՀ արդարադատության նախարար Սրբուհի Գալյանը:
«Մեր աշխատանքները պետք է տանենք հենց այդ ուղղությամբ»,- ասաց նա:
Գալյանը նաև ասաց, որ առաջիկա 5 տարիների ընթացքում նախատեսվում է՝ ունենալ ստանդարտացված դատական շենքեր, որոնք կհամապատասխանեն միջազգային չափանիշներին, և այս համատեքստում նախատեսում են կառուցել 2 կամ 3 նոր շենք․
«Հստակ որոշում չկա դեռ՝ որ դատարանների համար, այսինքն՝ թե որ դատավարություններն այդ շենքերը կսպասարկեն, բայց ամեն դեպքում այս պահի դրությամբ առնվազն առկա է որոշում, որ պետք է գնանք դատարանների շենքային պայմանների բարելավման, միջազգային ստանդարտներին համահունչ չափանիշների սահմանման և դատարանների նոր շենքեր ունենալու ճանապարհով»։
