Ալիևի օգնականը Հայաստանի ԱԽ քարտուղարի հետ Բրյուսելում տեղի ունեցած բանակցությունները «կառուցողական» է համարում

Ադրբեջանի նախագահ Իլհամ Ալիևի խորհրդական Հիքմեթ Հաջիևը «կառուցողական» է որակել Բրյուսելում ՀՀ ԱԽ քարտուղար Արմեն Գրիգորյանի հետ կայացած բանակցությունները, հայտնում է Reuters-ը։

Բանակցություններին մասնակցել են նաև  Ֆրանսիայի նախագահ Էմանուել Մակրոնը, Գերմանիայի կանցլեր Օլաֆ Շոլցը և Եվրոպական խորհրդի ղեկավար Շառլ Միշելի խորհրդականները։  

Հիշեցնենք՝ Արմեն Գրիգորյանը Բրյուսելում է։ Այցի նպատակն, ըստ պաշտոնական հաղորդագրության, հոկտեմբերի 5-ին Գրանադայում նախատեսված Փաշինյան-Ալիև հանդիպումը նախապատրաստելն է։