Վերջին շաբաթների ընթացքում ահաբեկչությունները ցնցեցին Անգլիան: Նախ, մայիսի 22-ին ահաբեկչություն իրականացվեց Մանչեսթերում Արիանա Գրանդեի համերգի ժամանակ: Իրականացված պայթյունի հետեւանքով 22 մարդ զոհվեց, շուրջ 60-ը՝ վիրավորվեց:Իսկ երկու օր առաջ երեկոյան ահաբեկչության թիրախ դարձավ նաեւ Լոնդոնը: Երեկ համաշխարհային աստղերը ելույթ են ունեցել առաջին ահաբեկչության զոհերի հիշատակին. Մանչեսթերում One Love խորագրով համերգ է կազմակերպվել:
Բեմ է բարձրացել Արիանա Գրանդեն, որին աջակցել են Ջասթին Բիբերը, Քեթի Փերին, Մայլի Սայրուսը, Ֆարել Ուիլյամսը, Ռոբի Ուիլյամսն ու Take That-ը, Coldplay-ը, Black Eyed Peas-ը:
Մամուլի ուշադրությունը կենտրոնացել է Արիանա Գրանդեի ուղղությամբ. նրա մատին նշանադրության մատանի են նկատել՝ ենթադրություն հայտնելով, որ նա նշանվել է Մաք Միլլերի հետ, որը նույնպես ելույթ է ունեցել համերգին:
Ջասթին Բիբերը հուզիչ ելույթ է ունեցել ու արտասվել Old Trafford եկած հազարավոր մարդկանց առջեւ: Երգիչը կատարել է իր Love Yourself հիթը:
«Ահաբեկչության զոհերի ընտանիքներին. մենք սիրում ենք ձեզ: Աստված սիրում է ձեզ»:
