Կանոնավոր պարտիզանական պատերազմը Լեռնային Ղարաբաղում բացառվում է, չնայած նրան, որ տարածաշրջանի լեռնային տեղանքը նպաստում է դրա հաջող վարմանը, ասել է ռազմական գիտությունների դոկտոր Կոնստանտին Սիվկովը: Միեւնույն ժամանակ, ռազմական փորձագետը հնարավոր է համարել տեղական ուժերի ի հայտ գալը, որոնք, սակայն, արագ կոչնչացվեն, հաղորդում է «Քաղաքականությունն այսօր»-ը:
«Պարտիզանական պատերազմի համար անհրաժեշտ են մի շարք պայմաններ: Առաջինը պարտիզանական պատերազմի համար նպաստավոր տարածքն է: Իհարկե, այնտեղ այն նպաստում է դրան: Երկրորդ, պարտիզանական պատերազմի համար անհրաժեշտ է որոշակի տարածք, որպեսզի մանեւրելու հնարավորություն լինի`խուսափելու կանոնավոր զորքերի հարվածներից, որոնք սպառազինությամբ գերազանցում են անկանոն կազմավորումներին: Այս տեսանկյունից, հաշվի առնելով ռազմական գործողությունների սահմանափակ ասպարեզը, այնտեղ խոշոր կազմավորումների մասնակցությամբ կանոնավոր պարտիզանական պատերազմ վարելու հնարավորությունները սահմանափակ են»,- բացատրել է Սիվկովը:
Նրա խոսքով՝ նման պատերազմ վարելու եւս մեկ կարեւոր պայման է քաղաքացիական բնակչության կողմից պարտիզաններին աջակցությունը: Լեռնային Ղարաբաղի՝ Ադրբեջանի վերահսկողության տակ հայտնված տարածքներում, ամենայն հավանականությամբ, հայ խաղաղ բնակիչներ չեն մնա: «Հաշվի առնելով, որ այն տարածքներում, որոնք փոխանցվում են Ադրբեջանին, հայ բնակչությունը չափազանց քիչ է, եթե ոչ ընդհանրապես մնա, քանի որ այրում է իր տները եւ հեռանում այդ տարածքներից, դրանք լցվում են ադրբեջանական բնակչությամբ: Եւ հայերի համար այնտեղ գործնականում չկա պարտիզանական պատերազմ սկսելու հնարավորություն»,- ասել է նա: Առանց արտաքին ուժերի աջակցության՝ պարտիզանական շարժումը երկար ժամանակ չի կարող գոյություն ունենալ, հիշեցրել է փորձագետը: Հակառակորդների շփման գծում կան ռուսական խաղաղապահ ուժեր, որոնք թույլ չեն տա, որ հակամարտությունը բռնկվի նոր թափով: «Պարտիզանական շարժումը չի կարող գոյություն ունենալ գրավված զենքի հաշվին: Հաշվի առնելով, որ Հայաստանի եւ Ադրբեջանի գրաված շրջանների միջեւ տարածքը շրջափակել են ռուս խաղաղապահները, փոքր են նաեւ ադրբեջանցիների կողմից զբաղեցրած տարածքներում պարտիզաններ մատակարարելու Հայաստանի հնարավորությունները:
Այս տարածքներում լիակատար պարտիզանական պատերազմ սկսելու հնարավորություն գործնականում չկա, ընդգծել է Սիվկովը:
