Ուզբեկստանի անկախության օրվան նվիրված ծանրամարտի առաջին օնլայն մրցաշարում 102 կգ քաշային կարգում Հայաստանի ներկայացուցիչ, Եվրոպայի փոխչեմպիոն Սամվել Գասպարյանը նվաճել է բրոնզե մեդալ՝ երկամարտում գրանցելով 381 կգ արդյունք (170+211):
Պոկում վարժության առաջին մոտեցմամբ գյումրեցի ծանրորդը բարձրացրել 165 կգ, ապա 170 կգ ծանրաձողերը: Երրորդ մոտեցմամբ ձախողել է 175 կգ ծանրաձողը: Եվրոպայի փոխչեմպիոնը գերազանց է կատարել հրում վարժության բոլոր երեք մոտեցումները՝ 201 կգ, 205 կգ ապա 211 կգ: Այս վարժությունում Գասպարյանը նվաճեց փոքր արծաթե մեդալ:
Ոսկե մեդալը նվաճեց Չինաստանի ներկայացուցիչ Թիան Ֆուկսուան (391 կգ), արծաթե մեդալը՝ կանադացի Բոադի Սանտավին (390 կգ):
