Սուր գրառումներ

Երևանը՝Հարավային Կովկասի ամենահարուստ մայրաքաղաքն է

Հարավային Կովկասի հարապետություններից մեկ շնչին ընկնող ՀՆԱ-ով ամենացածր ցուցանիշն ունի Հայաստանը (3037 դոլլար),որի մայրաքաղաք Երևանը,ինչպես պարզվում է,իր տարեկան բյուջեով ամենահարուստն է…
1,1 միլիոն բնակչություն ունեցող Վրաստանի մայրաքաղաք Թբիլիսիի տարեկան բյուջեն կազմում է 124 միլիոն դոլլար,իսկ 2.1 միլիոն բնակչություն ունեցող Ադրբեջանի մայրաքաղաք Բաքվի տարեկան բյուջեն՝123 միլիոն դոլլարից մի փոքր ավել է…Սակայն տարանցիկ Վրաստանի և նավթագազային պաշարներով հարուստ մեր հարևանների կողքին ուղղակի ճոխ է դիտվում «ոչինչ» չունեցող Հայաստանի մայրաքաղաքի տվյալները.1մլն75 հազար 900 բնակիչ ունեցող Երևանի տարեկան բյուջեն կազմում է 84 մլրդ344 մլն931 հազար դրամ՝173 միլիոն դոլլար…
Վերը նշված տվյալները մտորելու տեղիք են տալիս…Ինձ որպես գյումրեցի միշտ զարմացրել է Երևանի և Գյումրու բյուջեների սարսափելի անհամաչափությունը…Գյումրին,ըստ պաշտոնական տվյալների,10 անգամ փոքր է Երևանից… Ըստ տրամաբանության,Գյումրիի բյուջեն պետք է լիներ 8 միլիարդից մի փոքր ավել…Սակայն Հայաստանի երկրորդ մեծությամբ բնակավայրը,որը նաև պարզվեց,որ ամենաաղքատ քաղաքն է հանրևապետությունում,ունի ընդամենը 3 միլիարդ դրամանոց բյուջե…
Երևանը և Թբիլիսին գրեթե նույն բնակչությունն ունեն,սակայն Երևանի տարեկան բյուջեն 50 միլիոն դրամով ավելի է Վրաստանի մայրաքաղաքի բյուջեից…Հետաքրքիր է,ինչի՞ վրա է ծախսվում այդ գումարները…
Հ.Գ.Ես շատ եմ սիրում մեր մայրաքաղաքը,սակայն Երաևնը կամաց-կամաց դառնում է քաղաք-պետություն՝Հայաստանը վերածելով «շերեփուկի»…Կարելի է Երևանին տրամադրվող գումարների որոշ մասն ուղղել մարզերի բնակավայրերի խնդիրները լուծելու համար…

Գագիկ Համբարյան

Նախիջևա՞ն, թե՞ Արցախ. Փաշինյանի ու Ալիևի սեղանին քննարկման հարցը

""

Հայկական զինված ուժերը ավելի շատ ադրբեջանական բնակավայրեր են դիտարկում, քան հակառակորդը` հայկական, երեկ «Ազատության» հետ զրուցում ասել է պաշտպանության նախարարի մամուլի քարտուղար Արծրուն Հովհաննիսյանը: Արձագանքելով համացանցում հայտնված տեղեկությանը, լուսանկարին, համաձայն որոնց՝ Վայոց ձորի մարզի Արենի գյուղի մոտ ադրբեջանական նոր դիրքեր են հայտնվել, Արծրուն Հովհաննիսյանն ընդգծել է, որ այդ դիրքը ադրբեջանցիները տեղակայել են իրենց տարածքում, ինչին ի պատասխան՝ հայկական կողմը ևս բարելավել է իր դիրքերը:

Ի՞նչ է կատարվում Նախիջևանում, ի՞նչ կուտակումներ են Հայաստան-Ադրբեջան սահմանին, այս հարցը արդեն տևական ժամանակ է ինչ հետաքրքրում է շատերին…

Razm.info-ն նախօրեին հայտնեց, որ արբանյակային լուսանկարները ցույց են տալիս մայիս ամսվա ընթացքում ադրբեջանական դիրքերի տեղաշարժերը Նախիջևանի հյուսիսարևելյան հատվածում: «Ադրբեջանական դիրքերն առաջ տանելու մեր ուսումնասիրած բոլոր դեպքերը նախկին Նախիջևանի Ինքնավար Խորհրդային Սոցիալիստական հանրապետության սահմաններում են (իմա՝ Նախիջևանի տարածքում)։ Խոսքը միայն ու միայն ոչ մի կողմից չվերահսկվող բարձունքներում դիրքավորվելու մասին է, հայկական որևէ դիրքի կորուստ մեր ուսումնասիրած լուսանկարներում չի դիտարկվում։ Նշենք նաև, որ չենք անդրադառնում հայկական կողմի գործողություններին, քանի որ դրանց մասին պաշտոնական աղբյուրներից մանրամասներ դեռևս չկան», գրում էր պարբերականը։

Մայիսի 2–27 ժամանակամիջոցում արված արբանյակային լուսանկարներում երևացող փոփոխություններ են, ըստ Razm.info-ի, մասնավորապես՝ ադրբեջանական կողմից դեպի նոր դիրքեր տանող նոր ճանապարհների հայտնվելը, ինչը խոսում է սեղմ ժամկետներում իրագործած ինժեներական աշխատանքների մասին: Ըստ ուսումնասիրության՝ Ադրբեջանի ԶՈւ-ն հիմնականում առաջացել է Արենի գյուղի այգիների և լքված Հունուտ (ադրբ. Ջունութ) գյուղի ուղղություններով: Առաջխաղացման նշաններ նկատվում են մայիսի 2-ից սկսած, սակայն հիմնական աշխատանքները կատարվել են մայիսի 17–27 հատվածում:

Հունուտի ուղղությամբ առաջանալով` ադրբեջանական կողմը կառուցել է 5 նոր ճանապարհ, որոնք ամենայն հավանականությամբ տանում են դեպի նոր զբաղեցրած դիրքերը: Նախկինում այս հատվածում միջդիրքային տարածությունը 4.5–5 կմ էր, այժմ հայկական և ադրբեջանական դիրքերի միջև հեռավորությունը կրճատվել է մինչև 750–1600 մետրի: Ըստ Razm.info-ի՝ հայկական դիրքերը տեղակայված են հենց լքված Հունուտ գյուղի տարածքում: Այս հատվածում ինժեներական աշխատանքների հետքեր նկատվում են մայիսի 2–17-ը ընկած հատվածում, սակայն հիմնական շինարարությունը իրագործվել է մայիսի 17–27-ը ժամանակահատվածում:

Մայիսի 17-ից հետո ադրբեջանական կողմը ձեռնարկում է ինժեներական աշխատանքներ Արենիի ուղղությամբ՝ նոր ճանապարհ բացելով դեպի արևելք ու դիրքավորվելով երկու հայկական դիրքերի միջև գտնվող բարձունքում։ Արենի գյուղն իր մատույցներով բավականին հեռու է ադրբեջանական նոր դիրքերից, և հրաձգային զենքի համար գործնականում անհասանելի: Մայիսի 17-ից հետո Ադրբեջանի ԶՈւ-ն նոր դիրք է զբաղեցրել նաև ջրամբարի հարավային ափին, հայտնվելով Արենիի այգիներից մոտ 2000 մ, իսկ մոտակա հայկական դիրքերից՝ մոտ 750 մ հեռավորության վրա:

Երեկ ի դեպ, պաշտոնական Բաքուն վստահեցրել, որ միշտ պատրաստ է Ղարաբաղի հարցով «բովանդակային բանակցությունների»: Դրանով Ադրբեջանն արձագանքել է Հայաստանի վարչապետի և Ադրբեջանի նախագահի միջև մոտ ապագայում հանդիպում կազմակերպելու՝ Հայաստանի արտգործնախարարի հայտարարությանն ու պնդել, թե Ադրբեջանը միշտ պատրաստ է բովանդակային բանակցությունների՝ ղարաբաղյան խնդրում առաջընթացի հասնելու համար:

«Այդ բանակցությունների միջոցով պետք է լուծվեն Ադրբեջանի գրավյալ տարածքներից հայկական ուժերի դուրսբերման, բռնի տեղահանվածների վերադարձի հարցերը», ասել է Ադրբեջանի արտգործնախարարության խոսնակ Հիքմեթ Հաջիևը:

Հիշեցնենք, որ ավելի վաղ Հայաստանի արտգործնախարար Զոհրաբ Մնացականյանը, պատասխանելով «Արմենիա» հեռուստաընկերության հարցին, թե արդյոք այս պահին քննարկվում է Փաշինյան-Ալիև հանդիպման հնարավորությունը, ասել էր․ – «Անմիջական շփումները կլինեն այն ժամանակ, երբ կհասնենք այդ պահին: Ես չեմ խոսում ամիսների մասին, ես խոսում եմ շաբաթների մասին: Մենք այդ գործընթացի մեջ ենք»:

Նախիջևանում ինժեներական աշխուժացումը, թերևս, Ալիևի կողմից, հայկական ուղղությամբ քարոզչական ճնշումներ իրականացնելու նպատակ է հետապնդում: Երբ էլ որ կայանան Փաշինյան-Ալիև բանակցությունները, Ալիևը փորձելու է ուժի դիրքերից հանդես գալ ստեղծելով յուրօրինակ խառնաշփոթ՝ ԼՂ հարցը քննարկե՞լ, թե՞ Նախիջևանինը…

Թամար Բագրատունի

Նյութի աղբյուրը՝ Hayeli.am

Լեհերը կողմ են երկրում ՆԱՏՕ-ի զորքի տեղակայմանը

""ՏԱՍՍ լրատվական գործակալության փոխանցմամբ, Լեհաստանի քաղաքացիների մեծ մասը՝ 67 տոկոսը, սատարում է երկրում ՆԱՏՕ-ի զորքերի տեղակայմանը: Այդ տվյալը հրապարակել է Լեհաստանի հանրային հետազոտությունների ուսումնասիրության կենտրոնը:

ՆԱՏՕ-ի զորքի տեղակայմանը վճռական աջակցություն է հայտնել բնակչության 24 տոկոսը, իսկ չափավոր աջակցություն՝ 43 տոկոսը, ինչն էլ ընդհանուր հաշվով կազմել է տեղակայման աջակիցների 67 տոկոս:

Լեհերի 22 տոկոսը դեմ է երկրում ՆԱՏՕ-ի զորքերի տեղակայմանը: Հարցվածների 61 տոկոսը համոզված է, որ ՆԱՏՕ-ն հարկ եղած դեպքում կպաշտպանի Լեհաստանի սահմանները: Լեհաստանի անդամակցությանը ՆԱՏՕ-ին հավանություն է տալիս հարցվածների 79 տոկոսը:

Օրերս «Պոլիտիկո» պարբերականը հաղորդել է, որ Լեհաստանի կառավարությունը պատրաստ է պետական բյուջեից հատկացնել 2 միլիարդ դոլար երկրում ամերիկյան մշտական ռազմական բազա տեղակայելու համար:

Աղբյուրը՝ azatutyun.am

Կաթողիկոսն իր հրաժարականը պահանջող քահանաներին հրավիրել է հանդիպման. Վահրամ քահանա Մելիքյան

""Ամենայն Հայոց Կաթողիկոս Գարեգին Երկրորդը Սուրբ Կաթողիկե և Սուրբ Աննա եկեղեցու բակում կայացած ցույցի մասնակիցներին հրավիրել է հունիսի 7-ին այցելել Մայր Աթոռ Սուրբ Էջմիածին և հանդիպում ունենալ իր ու եպիսկոպոսների հետ:

Ինչպես հաղորդում է «Արմենպրես»-ը, այս մասին ֆեյսբուքյան իր էջում գրառում է կատարել Մայր Աթոռի տեղեկատվական համակարգի ղեկավար Վահրամ քահանա Մելիքյանը:

«Հանդիպման ընթացքում ցույցի մասնակիցների ներկայացուցչական խումբը հնարավորություն կունենա Վեհափառ Հայրապետին ներկայացնելու իրենց հուզող հարցերը»,- գրել է նա։

Հունիսի 6-ին Սուրբ Կաթողիկե և Սուրբ Աննա եկեղեցու բակում մի խումբ քաղաքացիներ, այդ թվում՝ քահանաներ բողոքի ակցիա են անցկացրել, որի ընթացքում պահանջել են Ամենայն Հայոց Կաթողիկոս Գարեգին Բ-ի հրաժարականը:

Էլեկտրոնային առևտրի զարգացումը` առաջնահերթություն. ՊԵԿ-ը և «Հայփոստը» տեղայնացնում են միջազգային չափանիշները

""Մաքսային և փոստային ծառայությունները սերտացնում են համագործակցությունը: Պետական եկամուտների կոմիտեի նախաձեռնությամբ հունիսի 11-ից 13-ը Երևանում անցկացվում է Համաշխարհային մաքսային կազմակերպության և Համընդհանուր փոստային միության համատեղ սեմինարը: Այս մասին տեղեկացրին ՀՀ ԿԱ ՊԵԿ տեղեկատվության և հասարակայնության հետ կապերի բաժնից:

«Մաքսային մարմինների և փոստային ծառայության միջև համագործակցություն» թեմայով հանդիպման նպատակն է նպաստել երկու կառույցների փոխգործակցությանն ու սահմանային էլեկտրոնային առևտրի դյուրացմանը: ««Հայփոստի» հետ բազմամյա գործակցությունը միտված է փոստային առաքումների դեպքում ժամանակի, մարդկային ու ֆինանսական ռեսուրսների կրճատմանը` միաժամանակ ապահովելով բարձր անվտանգություն և ռիսկերի աննկատ կառավարում»,-նշել է Պետական եկամուտների կոմիտեի նախագահի տեղեկալ Միքայել Փաշայանը: Ինչպես տեղեկացրել է «Հայփոստ Թրասթ Մենեջմենթ» ՓԲԸ-ի գլխավոր տնօրեն Խուան Պաբլո Գեչիջյանը, «Հայփոստի» և կոմիտեի միջև տվյալներն ամբողջությամբ էլեկտրոնային եղանակով են փոխանցվում. «Մենք ձգտում ենք Հայաստանում էլեկտրոնային առևտուրը համապատասխանեցնել միջազգային բարձր չափանիշներին, ինչի ուղղությամբ աշխատում ենք Համընդհանուր փոստային միության հետ»:

Միջազգային փորձագետների կողմից անցկացվող դասընթացի առանցքում են էլեկտրոնային առևտրի միտումները, գլոբալ փոստային փոխադրման մաքսային հեռանկարները, ինչպես նաև ՀՄԿ ուղեցույցներն և առաջարկությունները: Դիտակետում են նաև աշխատանքային գործընթացների աստիճանական ներդաշնակեցման և փոստային առաքանիների անվտանգության զննման հարցերը:

ՊԵԿ նախագահի տեղեկալ Միքայել Փաշայանի վստահեցմամբ` Հայաստանում էլեկտրոնային առևտրի զարգացման համատեղ ծրագրերը շարունակվելու են` խթանելով փոքր և միջին բիզնեսի զարգացումը:

1in.am

Ծնվել է զոհված զինծառայող Խաչատուր Հարությունյանի եղբայրը (ֆոտո)

""Շիրակի մարզում նախօրեին ծնվել է 2016թ.-ի մայիսին զոհված ժամկետային զինծառայող Խաչատուր Հարությունյանի եղբայրը:

Փոքրիկին անվանակոչել են Նարեկ: Նշենք, որ Խաչատուրը տան միակ որդին էր, իրենից փոքր քույր ունի:

Զոհված զինծառայողը Շիրակի մարզի Լուսաղբյուր գյուղից էր:

Ավելի վաղ ԼՂՀ ՊԲ-ն հայտնել էր, որ մայիսի 16-ի լույս 17-ի գիշերը ղարաբաղա-ադրբեջանական հակամարտ զորքերի շփման գծում հակառակորդը տաբեր տրամաչափի հրաձգային զինատեսակներից ու հետեւակի մարտական մեքենայից (30 արկ), 60 միլիմետրանոց ականանետերից (16 արկ) եւ հաստոցավոր ավտոմատ նռնականետերից (32 արկ) խախտել է կրակի դադարեցման պայմանավորվածությունը:

Առավել ինտենսիվ խախտումներ են արձանագրվել շփման գոտու հարավարեւելյան (Հադրութ) եւ արեւելյան (Մարտունու) ուղղություններով, որի հետեւանքով հարավային ուղղությամբ տեղակայված ՊԲ դիրքերից մեկում մայիսի 17-ին` ժամը 00:50-ի սահմաններում, հրազենային մահացու վիրավորում է ստացել ժամկետային զինծառայող, 20-ամյա Խաչատուր Վարդանի Հարությունյանը:

Լուսանկարները՝ Ֆեյսբուք սոցիալական ցանցից

""

Ահա, թե ինչ շոկային գաղտնիք է թաքցնում այս գրավիչ հատապտnւղը. դnւ այլևս երբեք չեu գնի ելшկ՝ սա մանրադիտակով տեuնելով…

Ահա, թե ինչ շոկային գաղտնիք է թաքցնում այս գրավիչ հատապտnւղը. դnւ այլևս երբեք չեu գնի ելшկ՝ սա մանրադիտակով տեuնելով…

""
Բոլորը գիտեն՝ որքան համեղ և օգտակար է ելակը:

Բայց դու նույնիսկ չես կասկածում՝ ինչ սարսափելի գաղտնիք է թաքցնում այն իր կանաչ տերևների տակ:

Այն կարող է փոխանցել հելմինտների ձվեր և պարզագույն կենդանիների բջիջներ:

EnterTrain-ը ներկայացնում է՝ ինչ է դրա վրա ապրում:

Ելակի վնասատուները

""

1. Ուտի

Ուտիճը ծծում է ցողունի և տերևների հյութը: Դրա պատճառով ելակի թփի տերևները փաթաթվում են, իսկ պտուղները չեն հասունանում: Բացի բույսին վնասելուց՝ ուտիճը վիրուսային հիվանդություններ է փոխանցում:

""

2. Գիշերաթիթեռ

Այն կրծում է ամեն ինչ իր ճանապարհին: Գիշերաթիթեռի դեմ պայքարի համար այգեգործներն օգտագործում են տարատեսակ քիմիկատներ, որոնց չարաշահումը շատ է վնասում մարդու առողջությանը:

""

3. Փայտոջիլ

Վնասատու, որից շատ դժվար է ազատվել: Եթե տեսնում ես, որ միրգն անհարթ է և ելունդներով է ծածկված, վստահ եղիր, որ այստեղ փայտոջիլ է եղել:

""

4. Ծաղկի տրիպս

Սուպերմարկետների արտասահմանյան ելակը լիքն է տրիպսերով: Այս վնասատուները զանգվածաբար վարակում են հատապտուղները:

""

5. Կարմիր տիզ

Ելակի համար ամենավտանգավոր միջատը կարմիր տիզն է: Այն ամբողջ պլանտացիաներ է ոչնչացնում, այս վնասատուին վերացնելը շատ դժվար է: Դրան նկատել գրեթե հնարավոր չէ: Միայն ուշադիր այգեգործներն են դրան գտնում ըստ պտուղների և տերևների վիճակի:

""

Հենց այս վնասատուների պատճառով ելակը ենթարկվում է քիմիական մշակման:

Ահա մի քանի խորհուրդ՝ ինչպես համեղ և օգտակար ելակ ընտրել:

1. Բնական պտուղները սովորաբար շուկա են հասնում մայիսի վերջին-հունիսի սկսզբին: Վաղ ելակի մեջ շատ թունաքիմիկատներ կան, համն էլ այնքան լավը չէ:

2. Հատապտուղը պետք է հավասարաչափ մուգ-կարմիր գույնի լինի, առանց բծերի: Մի վազիր չափի հետևից: Որպես կանոն, հսկայական պտուղը քիմիակատների առկայության նշան է:

""

3. Եթե ելակը նույն չափի է, շոշափելիս հաստ, հարթ է և կարծես ռետինե, ապա այն լիքն է նիտրատներով: Այդպիսի մթերք գնել չարժե:

4. Հատապտղի ընտրության գլխավոր չափանիշը հոտն է: Հասած ելակի հոտին դիմանալ հնարավոր չէ:

Աղբյուր՝ EnterTrain