Լրահոս
«ՄԱԴՈՆՆԱՆ ԻՆՔՆԱՁԻԳՈՎ» - Կիրակի, Մարտի 26, 2017, ժ. 11:27
Առաջիկա 5 օրվա եղանակի կանխատեսում - Ուրբաթ, Մարտի 24, 2017, ժ. 06:27
Կիրակի, 03 Հուլիսի 2016 21:46

Հենրիխ Մխիթարյան. Արցախը տարիներ շարունակ զրկանքներ է կրել, հպարտ եմ օգնել պատերազմում հարազատների կորցրած մարդկանց

Մասնակցում եմ բարեգործությունների, քանի որ դա հնարավորություն է տալիս մարդկանց վերադարձնել երկրպագուների սերը: Ես սիրում եմ լինել մարդկանց կողքին, ուրախացնել նրանց: Օրինակ՝ Արցախը տարիներ շարունակ զրկանքներ է կրել: Ես հպարտ եմ մասնակցել այնտեղ ապրող մարդկանց ուղղված բարեգործության, օգնել պատերազմում հարազատների կորցրած մարդկանց: Կցանկանայի, որ ամբողջ աշխարհում լիներ խաղաղություն: Բոլորն են արժանի ապրել առանց խնդիրների:

 Այդ մասին իսպանական Marca-ի հետ զրույցում ասել է Հայաստանի հավաքականի կիսապաշտպան Հենրիխ Մխիթարյանը, որը Դորտմունդի «Բորուսիայից» տեղափոխվել է անգլիական «Մանչեսթեր Յունայթեդ»:

«Հորս մահը հսկայական կորուստ էր ընտանիքիս եւ ինձ համար: Շատ կցանկանայի, որ նա մեզ հետ լիներ: Ես վստահ եմ, որ նա կհպարտանար իմ նվաճումներով: Հորս խաղը տեսել եմ տեսագրություններով: Կարծում եմ՝ ունենք խաղաոճի նմանություն:

Իսպաներեն չգիտեմ, բայց կցանկանայի սովորել 7-րդ լեզուն: Իսպանիայի լիգան ուժեղագույններից մեկն է: Երբեք չես կարող կանխատեսել կարիերայիդ ընթացքը: Մի օր էլ կարող է հայտնվեմ Իսպանիայում:

Զիդանը եղել է իմ կուռքը: Մանկությունից հիացել եմ նրա խաղով: Իհարկե, կցանկանայի աշխատել նրա հետ, եթե այդպիսի հնարավորություն լիներ:

Ժամանակակից ֆուտբոլը պահանջում է մեծ պրոֆեսիոնալիզմ եւ համառ աշխատանք: Ես իմ կյանքը նվիրել են ֆուտբոլին: Հաջողության համար պետք է տաղանդ եւ կարգապահություն: Շատ եմ սիրում խաղալ փլեյմեյքերի դիրքում: Այն թույլ է տալիս ամբողջությամբ դրսեւորել իմ կարողությունները:

Տուխելը հրաշալի է մարզիչ է եւ գերազանց ստրատեգ: Նա ունի խաղի բացառիկ փիլիսոփայություն: Ուրախ է նրա խաղաոճով հանդես գալը: Դա է իմ հաջողության գրավականը: Ես շնորհակալ եմ նրան»,- ասել է Հենրիխ Մխիթարյանը:

Հիշեցնենք, որ «Բորուսիան» արդեն հաստատել է հայ ֆուտբոլիստի հեռանալը, սական «Մանչեսթեր Յունայթեդը» 27-ամյա խաղացոցի հետ պայմանագիր դեռ չի կնքել:

Artsakhpress.am

Read 2401 times

Leave a comment

Make sure you enter all the required information, indicated by an asterisk (*). HTML code is not allowed.

Որոնում

FACEBOOK ARMDAY

    

ԼՐԱՀՈՍ

ՕՐԱՑՈՒՅՑ

« March 2017 »
Mon Tue Wed Thu Fri Sat Sun
    1 2 3 4 5
6 7 8 9 10 11 12
13 14 15 16 17 18 19
20 21 22 23 24 25 26
27 28 29 30 31    

Բաժանորդագրվել

Այլ նորություններ

Համաշխարհային նորություններ

http://www.zoofirma.ru/