Լրահոս
Էդիկ Մալոյան Նվիրյալները - Երկուշաբթի, Հունվարի 23, 2017, ժ. 19:40
Գեներալը, ով չի դադարել լինել զինվոր Hetq.am - Երկուշաբթի, Հունվարի 23, 2017, ժ. 17:49
ԿԱՐՊ ԽԱՉՎԱՆՔՅԱՆ - Երկուշաբթի, Հունվարի 23, 2017, ժ. 11:38
Իրադրությունն առաջնագծում - Երկուշաբթի, Հունվարի 23, 2017, ժ. 10:18
ԻՆՁ ԹՈՒՐՔԻ ԳՆԴԱԿ ՉԻ ԿՊՉԻ - Երեքշաբթի, Հունվարի 10, 2017, ժ. 19:48
ՀՀ ազգային հերոս Վիտյա Այվազյան - Չորեքշաբթի, Հունվարի 11, 2017, ժ. 06:56
ԱՆՄԱՀ ՀԵՐՈՍ Կրպեյան Թաթուլ Ժորժիկի. - Ուրբաթ, Հունվարի 13, 2017, ժ. 08:44
ՀԱՄԲԱՐՁՈՒՄՅԱՆ ՎԻԿՏՈՐ ՀԱՄԱԶԱՍՊԻ - Կիրակի, Հունվարի 22, 2017, ժ. 11:38
Երկուշաբթի, 10 Հոկտեմբերի 2016 17:47

Սյունիքի նորանշանակ մարզպետ Վահե Հակոբյանի պաշտոնակալությունը

Հոկտեմբերի 10-ին Կապանի օդանավակայանում ՀՀ կառավարության աշխատակազմի ղեկավար-նախարար Դավիթ Հարությունյանը եւ ՀՀ տարածքային կառավարման ու զարգացման նախարար Դավիթ Լոքյանը Սյունիքի հանրությանը պաշտոնապես ներկայացրին նորանշանակ մարզպետ Վահե Հակոբյանին: Հավաքված հարյուրավոր սյունեցիներ աղուհացով դիմավորեցին Վահե Հակոբյանին եւ շնորհավորեցին նրան նշանակման առիթով: Վահե Հակոբյանը Սյունիքի մարզպետ է նշանակվել 2016թ. հոկտեմբերի 6-ին՝ ՀՀ կառավարության որոշմամբ:

Օդանավակայանում հավաքվածների առջեւ ելույթ ունեցան Վահե Հակոբյանը, Դավիթ Հարությունյանը եւ Դավիթ Լոքյանը:

ՀՀ կառավարության աշխատակազմի ղեկավար-նախարար Դավիթ Հարությունյանը նշեց, որ երկրի նոր վարչապետ Կարեն Կարապետյանը մշակել է կառավարման նոր մոտեցումներ եւ եղանակներ, որ ակնկալում է շոշափելի արդյունքներ գրանցել հնարավորինս կարճ ժամանակահատվածում: «Պատահական չէ, որ Սյունիքի մարզից է սկսվում փոփոխությունների մեկնարկը, քանի որ Սյունիքը թե՛ աշխարհաքաղաքական, թե՛ ռազմավարական, թե՛ ռեսուրների առումով առանձնահատուկ նշանակություն ունի մեր երկրի համար: Ձեր մարզն առաջինն է, որ մարզերի կառավարման եւ զարգացման նոր մոտեցում պետք է ձեւավորի. համատեղ աշխատանքը թույլ կտա սկզբնավորել այն չափորոշիչները, որով պետք է ընթանա հանրապետության մարզերի զարգացումը», - մասնավորապես նշեց Դ.Հարությունյանը եւ մաղթեց մարզպետին հաջողություն, նոր բարձունքներ, հավակնոտ ծրագրեր:

Ողջույնի խոսքում տարածքային կառավարման եւ զարգացման նախարար Դավիթ Լոքյանը նշեց, որ Վահե Հակոբյանին բարդ եւ ծանր աշխատանք է սպասվում: Բայց եւ համոզմունք հայտնեց, որ նորանշանակ մարզպետը, ՀՀ նոր կառավարությունն իրենց ընդհանուր սկզբունքներով, մարզերի տնտեսական զարգացման ռազմավարությամբ, համայնքների զարգացման ծրագրերով  Սյունիքում կկարողանան առաջընթաց ապահովել: «Սյունիքի մարզը հանրապետությունում համախառն ներքին արդյունքով առաջինն է, բայց աղքատության ցուցանիշն այստեղ ամենաբարձրերից է: Մարզն ունի զարգացման լայն հնարավորություններ, եւ ժամանակն է ներդնել այնպիսի ծրագրեր ու գաղափարներ, որոնք կնպաստեն աշխատատեղերի բացմանը, աղքատության ցուցանիշի նվազմանն ու բարեկեցիկ համայնքներ ունենալուն: Հատկապես Սիսիանի տարածաշրջանում գյուղատնտեսական աշխատատեղերի ստեղծումը կառավարության ուշադրության առանցքում պետք է լինի, ինչի շնորհիվ հնարավոր կլինի ստեղծել արտադրական խմբեր եւ ապահովել համախառն ներքին արդյունքի աճ: Ժամանակն է՝ աշխարհում գործող այսօրվա լավագույն մեթոդներով փորձել զարգացնել մեր տարածաշրջանները», - նշեց նախարարը եւ նորանշանակ մարզպետին մաղթեց համերաշխ ու արդյունավետ աշխատանք:

Պաշտոնակալության արարողությունը շարունակվեց մարզպետարանի նիստերի դահլիճում: Դ.Լոքյանը եւ Դ.Հարությունյանը մարզպետարանի աշխատակազմին ներկայացրին նորանշանակ մարզպետ Վահե Հակոբյանին: Իրենց խոսքում նրանք նշեցին, որ բարդ եւ պատասխանատու ժամանակաշրջան է թե՛ մարզպետի, թե՛ նրա աշխատակազմի համար: Նոր ժամանակներում Սյունիքի մարզը մյուս մարզերի համար կառավարման եւ զարգացման առումներով առաջամարտիկ կլինի, ուստի նրա փորձը կարեւոր է եւ կլինի ուշադրության կենտրոնում:

Ինչպես նշեց Դավիթ Լոքյանը, մարզպետի խնդիրը միայն համայնքներն ու տարբեր ոլորտները կառավարելը չէ, այլ նաեւ մարզի տնտեսական զարգացումը, աշխատատեղերի ու քաղաքացիների համար բնականոն ապրելակերպի ապահովումը: Նորանշանակ մարզպետի առաջնային խնդիրներից է համայնքային բյուջեների հստակեցումը, համայնքների խոշորացման գործընթացի եւ նրա դրական արդյունքների ապահովումը: Դավիթ Լոքյանը շնորհակալություն հայտնեց նախկին մարզպետ Սուրեն Խաչատրյանին՝ տարիների արդյունավետ աշխատանքի, մարզի զարգացմանը միտված քայլերի համար:

Ամբողջությամբ՝syuniacyerkir.am

Read 2272 times

Leave a comment

Make sure you enter all the required information, indicated by an asterisk (*). HTML code is not allowed.

FACEBOOK ARMDAY

    

ԼՐԱՀՈՍ

ՕՐԱՑՈՒՅՑ

« January 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Բաժանորդագրվել

Այլ նորություններ

Համաշխարհային նորություններ

http://www.zoofirma.ru/