Լրահոս
ՈՐՊԵՍ ՀՐԱՄԱՆ - Շաբաթ, Հունվարի 21, 2017, ժ. 18:47
ԷՅՆՇՏԵՅՆԻ ՀԱՋՈՂՈՒԹՅԱՆ 10 ԳԱՂՏՆԻՔՆԵՐԸ - Շաբաթ, Հունվարի 21, 2017, ժ. 18:17
Առաջիկա 5 օրվա եղանակի կանխատեսում - Ուրբաթ, Հունվարի 20, 2017, ժ. 07:53
Երեքշաբթի, 24 Մայիսի 2016 03:07

Խորհրդակցություն ՊՆ Երևանի կայազորային հոսպիտալում

Մայիսի 23-ին ՊՆ Երևանի կայազորային հոսպիտալում Զինվորական բժիշկների հայկական ասոցիացիայի նախաձեռնությամբ տեղի ունեցավ հանդիպում-խորհրդակցություն՝ նվիրված ապրիլյան ռազմական գործողությունների ընթացքում ՀՀ զինված ուժերի ռազմաբժշկական ծառայության իրականացրած աշխատանքներին:

Հանդիպման ընթացքում ներկաները գոհունակությամբ փաստեցին, որ զորային և հոսպիտալային օղակներում զինվորական բժիշկները բարձր պատասխանատվությամբ են վերաբերվել իրենց ծառայությանը՝ յուրաքանչյուր վիրավորի նկատմամբ ցուցաբերելով առավելագույն զգոնություն, ուշադրություն: Բժիշկները իրենց ելույթներում նշում էին, որ հակառակորդի այսօրվա լռությունը խաղաղության երաշխիք չի կարող լինել, և հարկ է պատրաստվել հետագա մարտահրավերներին:

Ի թիվս այլ կազմակերպչական աշխատանքների՝ խորհրդակցության մասնակիցները կարևորեցին սահմանամերձ գյուղերի բնակիչներին մարտական պատրաստության բերելու, առաջին բուժօգնության կանոններին վարժեցնելու անհրաժեշտությունը: Խորհրդակցությանը ներկա զինվորական բժիշկները՝ ՊՆ Երևանի կայազորային հոսպիտալի բուժանձնակազմի անդամները, հակառակորդի նշանակետում գտնվող սահմանամերձ գյուղերի բնակիչների կողքին լինելու և իրենց մասնագիտական կարողություններով նրանց սատարելու պատրաստակամություն հայտնեցին:

ԶՈՒ ռազմաբժշկական վարչության բժշկական կանխարգելիչ միջոցառումների կազմակերպման բաժնի պետ, բ/ծ փոխգնդապետ Արմեն Նազարյանը տեղեկացրեց, որ ապրիլյան մարտական գործողություններից հետո զոհված զինծառայողների ընտանիքների անդամներին, վիրավոր զինծառայողներին նաև հոգեբանական աջակցություն է ցուցաբերվել: Ապա Երևանի կայազորային հոսպիտալի պետի բուժգծով տեղակալ, բ/ծ մայոր Տիգրան Թունյանը, հակիրճ ներկայացնելով հոգեբուժական ոլորտի կլինիկական գործունեությանը վերաբերող որոշ խնդիրներ, նշեց, որ անհրաժեշտ է լրջորեն ուշադրություն դարձնել հետտրավմատիկ սթրեսային խանգարումների բուժմանը:
Ամփոփիչ ելույթով հանդես եկավ հոսպիտալի պետ, բ/ծ փոխգնդապետ Վահան Գևորգյանը՝ առաջարկելով ՊՆ ղեկավարությանը ներկայացնելու նպատակով կազմել ամփոփ հաշվետվություններ՝ կատարված աշխատանքների և առաջիկա ծրագրերի վերաբերյալ, ինչպես նաև հրատապ խնդիրների շուրջ առաջիկայում կազմակերպել առողջ, կառուցողական քննարկումներ:

«Զինվորական բժիշկների հայկական ասոցիացիա» ՀԿ-ի նախագահ Ռուզաննա Խաչատրյանը հոսպիտալի պետ, բ/ծ փոխգնդապետ Վահան Գևորգյանի ուղեկցությամբ շրջեց հոսպիտալի ախտորոշման բաժանմունքում, ծանոթացավ բաժանմունքի նյութատեխնիկական ապահովվածությանը, ինչպես նաև զրուցեց զոհված ազատամարտիկի մայր Շողիկ Իխտիարյանի հետ: Կատարվեց շրջայց թերապևտիկ բաժանմունքում. Ռուզաննա Խաչատրյանը զրուցեց հիվանդ զինծառայողների հետ, ծանոթացավ նրանց բուժման ընթացքին:

Read 1978 times

Leave a comment

Make sure you enter all the required information, indicated by an asterisk (*). HTML code is not allowed.

FACEBOOK ARMDAY

    

ՕՐԱՑՈՒՅՑ

« January 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Բաժանորդագրվել

Այլ նորություններ

Համաշխարհային նորություններ

http://www.zoofirma.ru/