Լրահոս
ԻՆՁ ԹՈՒՐՔԻ ԳՆԴԱԿ ՉԻ ԿՊՉԻ - Երեքշաբթի, Հունվարի 10, 2017, ժ. 19:48
ՀՀ ազգային հերոս Վիտյա Այվազյան - Չորեքշաբթի, Հունվարի 11, 2017, ժ. 06:56
ԱՆՄԱՀ ՀԵՐՈՍ Կրպեյան Թաթուլ Ժորժիկի. - Ուրբաթ, Հունվարի 13, 2017, ժ. 08:44
Առաջիկա 5 օրվա եղանակի կանխատեսում - Երեքշաբթի, Հունվարի 17, 2017, ժ. 07:03
Իրադրությունն առաջնագծում - Երեքշաբթի, Հունվարի 17, 2017, ժ. 05:50
Ցավալի լուր - Երկուշաբթի, Հունվարի 16, 2017, ժ. 19:00
Հերքում - Երկուշաբթի, Հունվարի 16, 2017, ժ. 18:44
Կարեն Շիրինյանի բանաստեղծություններից - Շաբաթ, Հունվարի 14, 2017, ժ. 11:19
Հինգշաբթի, 15 Դեկտեմբերի 2016 10:39

«Բժշկի մասնագիտության հանդեպ սերը սերմանել են ծնողներս» Amda.am

1

Տավուշի առանձին բժշկական ջոկատ կատարած մեր այցելության ընթացքում ԱԲՋ-ի ավագ օրդինատոր, վնասվածքաբան-օրթոպեդ, բուժծառայության մայոր Վլադիմիր Սեյրանյանի հետ զրուցել ենք ռազմական բժշկության մեջ վնասվածքաբանության առանձնահատկությունների, մասնագիտական վերապատրաստման անհրաժեշտության և այլ հարցերի շուրջ:

- Պարո՛ն մայոր, նախքան Տավուշի ԱԲՋ-ում ծառայության նշանակվելը Ձեր ծառայողական կենսագրության բոլոր փուլերը կապված են ԼՂՀ պաշտպանության բանակի հետ: Խնդրում եմ՝ ներկայացրե՛ք Ձեր ծառայողական ուղին:

- Բժշկի մասնագիտության հանդեպ սերը սերմանել են ծնողներս, ուստի, թեև ընտանիքում բժիշկներ և զինվորականներ չկան, դեռևս մանկուց հետաքրքրությունս մեծ է եղել մասնագիտության նկատմամբ: Ծառայությունս ընթացել է բնականոն հունով, և երբեք չեմ զղջացել ընտրության համար:

2001 թվականին ընդունվել եմ Երևանի Մխիթար Հերացու անվան պետական բժշկական համալսարանի ռազմաբժշկական ֆակուլտետ: 2008 թվականին՝ ինտերնատուրան ավարտելուց հետո, ծառայության եմ նշանակվել ԼՂՀ ՊԲ զորամասերից մեկում՝ որպես բուժկետի բժիշկ-մասնագետ, այնուհետև ՊԲ մարտական հերթապահություն իրականացնող զորամասերում զբաղեցրել եմ բուժկետի պետի, ապա նաև՝ բուժծառայության պետի պաշտոնները:

2012 թվականի սեպտեմբերից հետբուհական կրթությունը շարունակել եմ կլինօրդինատուրայում՝ վնասվածքաբանություն և օրթոպեդիա մասնագիտությամբ (Վնասվածքաբանության և օրթոպեդիայի գիտական կենտրոն): Ավարտել եմ 2015 թվականին և նշանակվել Տավուշի ԱԲՋ-ում՝ որպես վնասվածքաբան-օրթոպեդ:

- Ձեր ծառայությունն անցել է մարտական հերթապահություն իրականացնող զորամասերում, և, կարելի է ասել, սահմանի «շունչը» խորթ չէ Ձեզ համար: Այնուամենայնիվ, ո՞րն է Տավուշի ԱԲՋ-ում ծառայության հիմնական առանձնահատկությունը:

- Թեև վերջին ժամանակահատվածում հարաբերական խաղաղություն է, սակայն տարածաշրջանը բավականին անհանգիստ ու լարված է. գաղտնիք չէ, որ Բերդի տարածաշրջանն ամենաերկար սահմանն ունի Ադրբեջանի հետ: Դա հաշվի առնելով՝ Տավուշի ԱԲՋ-ի բուժանձնակազմը չափազանց մեծ պատասխանատվությամբ է իրականացնում իր առաքելությունը: Եթե նկատի ունենանք նաև այն իրողությունը, որ տարածաշրջանում մի շարք մասնագետներ, այդ թվում՝ վնասվածքաբան-օրթոպեդ չկա, և ԱԲՋ-ն սպասարկում է նաև քաղաքացիական բնակչությանը, ծանրաբեռնվածությունը բավականին մեծ է: Մենք գրեթե ամեն օր վիրահատություններ ենք իրականացնում: Սակայն անպայման պետք է նաև նշեմ, որ գոհ եմ այստեղ նշանակվելու կապակցությամբ, քանի որ ծառայում եմ բժշկական կուռ թիմի կազմում:

- Անվիճելի է, որ վնասվածքաբանի ներկայությունը չափազանց կարևոր է բանակում՝ հատկապես մարտական հերթապահություն իրականացնող զորամասերի անձնակազմերին սպասարկող բուժհաստատությունում: Սակայն մարտական վիրավորումներից զատ՝ ծառայության վայրում, ինչպես նաև առօրյա կյանքում ոչ ոք ապահովագրված չէ հիվանդություններից: Հետաքրքիր է՝ առավել հաճախ ի՞նչ գանգատներով են դիմում զինծառայողները:

- Ոչ միայն բուն պատերազմական գործողությունների ընթացքում, այլև հարաբերական խաղաղության պայմաններում, ցավոք, ունենում ենք վիրավորներ… Իսկ հրազենային, ականապայթյունային վիրավորումների դեպքում առաջին հերթին որակավորված բժշկական օգնություն են ցուցաբերում ընդհանուր վիրաբույժները և վնասվածքաբանները:

Ինչ վերաբերում է առավել հաճախ հանդիպող խնդիրներին, ապա գաղտնիք չէ, որ ունենք զինծառայողներ, ովքեր ԶՈՒ են զորակոչվում որոշակի սահմանափակումներով:

Եթե սահմանափակումներ ունեցող զինծառայողը որևէ գանգատ ունի, առաջին հերթին պետք է գտնել պատճառը և վերացնել այն: Զորամասերում բժիշկները հետևողական են, որպեսզի պարտադիր կատարվեն համապատասխան հոդվածների պահանջները: Ես ինքս էլ հաճախ մասնագիտական խորհուրդներ եմ տալիս զինծառայողներին: Լինում են դեպքեր, երբ բուժման անհրաժեշտություն չկա, իսկ ճիշտ կազմակերպված ֆիզիկական պատրաստությունը ոչ միայն չի վնասում, այլև օգնում է:

- Պարո՛ն մայոր, խոսենք նաև մասնագիտական վերապատրաստումների անհրաժեշտության մասին:

- Կյանքն արագ է զարգանում, բժշկությունը՝ առավել ևս: Գրեթե ամեն օր կարելի է կարդալ նորագույն տեխնոլոգիաների, վիրահատական նորարարական մեթոդների, նոր հայտնագործությունների, գերժամանակակից բուժսարքավորումների մասին, որոնք առավել արդյունավետ են դարձնում աշխատանքը: Բժիշկը պետք է անընդհատ տեղեկացված լինի ոլորտի նորությունների մասին: Մասնագիտական վերապատրաստումներն էլ, անշուշտ, կարևոր են առաջավոր երկրների փորձին ծանոթանալու, մասնագիտական գիտելիքները կատարելագործելու առումներով:

Հասմիկ Գյոզալյան

Amda.am

Read 626 times

Leave a comment

Make sure you enter all the required information, indicated by an asterisk (*). HTML code is not allowed.

FACEBOOK ARMDAY

    

ԼՐԱՀՈՍ

ՕՐԱՑՈՒՅՑ

« January 2017 »
Mon Tue Wed Thu Fri Sat Sun
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 25 26 27 28 29
30 31          

Բաժանորդագրվել

Այլ նորություններ

Համաշխարհային նորություններ

http://www.zoofirma.ru/